Piyeküsü 7:16 - Sumi Naga CL (Re-edited) Bible (BSI)

¹⁶ Panongu ye müzüthi, tüghüthi keu mu shimoae, khetsünhe momu kiu külü nomu panongu phuqhi lumoae.

BAIBEL (BSI)

¹⁶ Panonguye khilemu muzuthi tughuthimo nani, tsukinhe momu kutau kululo panongu phuqhimo nani.

Sümi Tiqhelimi Bible

¹⁶ ‘Panongu ye khilemu müzüthi kithemae; panongu ye khilemu tüghüthi kithemae. Panongu ye khilemu khetsünhe külǘ,’ momu kiu külǘ nomu panongu ghaqhimo nani.

Piyeküsü 7:16 Referans Kwoze

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

MATTHEW 5:6

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

LESHELE 121:6

Puchou khetsünhe momu putho lo aqhi nomu o ghüzamo nani.

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

Luke 1:53

Pa no thime kivi pesü athokhami tsüvae, eno kupukuno shi akemi ye Pa no au kümsa puwuvae.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 65:13

Tighenguno Ampeu Alhou no ishi piani: “Julo, I qemiqo no chu nani, ikemu nongu ye müzüthi nani; Julo, I qemiqo no sho nani, ikemu nongu ye tüghüthi nani; Julo, I qemiqo no alovi nani, ikemu nongu ye kujomza kepu shinani;

MATTHEW 13:6

ikemu kughou khetsünhe ipeghi keno, tipaqo ye püghaqhive. Eno akuhu qüsümo keke tipaqo ye thizümüi hailove.

ALE KIMCHI 1:6

I no tsüngtsüike ghenguno thüghüi I ju kevilo, kughengu khetsünhe no I phuqhive ke. I mu noqo no I ju amloide kelauno I küghape atsailu kheu shipe, ikehu I likhi I phimpi ye jukuto mlave!

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

James 1:11

Kughengu khetsünhe no akülü kushu shi ipeghi no atsüni phuqhive cheni; tipau kupu ighiqive cheni eno jukivi ye hauve cheni. Titoi kinimi ghi pa kümla püzüche kelono hauve nani.

Mark 4:17

Ikemu pano lolo akuhu küha kehu ado hami ghengu likhi no acheni; eno kughou atsape ghenguno aghime kitikhi momu pishipuju ighini keno, panongu ye paikhavi no pheve cheni.

Mark 4:6

Ikemu kughou khetsünhe no mkamghai ipeghi keno tipaqo ye aloqhi phuqhive, eno akuhu qüsü moke ghenguno thizümüi hailove.

MATTHEW 13:21

tishimu pa lolo akuhu küha keke pa ye ado hami apüzü kughou Atsa ghenguno aghime momu kijiküpsa ighi keno, pa ye pai pheve cheni.

JONAH 4:8

Kughou khetsünhe ipeghi keno, Alhou no kipelau shukuthui keu mülhü puwu, eno khetsünhe no Jonah kütsü yedaqhi, ikehu pa ye thiuve cheghi. Pa pelo thive pelopi pa no khu, “I ghenguno xü akeu ye thiveke pavie.”

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

LESHELE 143:6

I no O lau I u sükho ke; qhaike yeghi toi I ngulho no tüghüthi O phu cheni.

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

LESHELE 121:5

Ampeu no o khekuto acheni; Ampeu ye o u ajeu o kicheqho ke.