Piyeküsü 7:12 - Sumi Naga CL (Re-edited) Bible (BSI)

¹² pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”

BAIBEL (BSI)

¹² “Amen! shekiqhe akimithe jekipi, alokutsu, shikimthi, agigihu, akuka, aje kughushuye alhokupujulo niLhou wuke! Amen!”

Sümi Tiqhelimi Bible

¹² ghi ishi pi: “Amen! Shekiqhe, ajuküvü alokütsü, shikimthi, agigihu aküka eno akumto ye alhokupuju ghenguno ningu Lhou’w ke. Amen!”

Piyeküsü 7:12 Referans Kwoze

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

LESHELE 100:4

Shikimthikütsü pesü Paw khagho lo ilolo, Pa chineki bokütha lo shekiqhe pesü ilolo! Shikimthi keu Pa tsülo; Pa je sheqhelo!

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

LESHELE 147:7

Ampeu lau shikimthikütsü le phelo; akighilebo pesü ni Lhou lau ale kungo phelo!

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 89:52

Alholo Ampeu sheqhelo! Amen, Amen.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

LESHELE 41:13

Pülhapuju lono pülhapuju kutolo Ampeu Israel Lhou sheqhelo! Amen, Amen.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 106:48

Israel Lhou Ampeu sheqhelo, Pülhapuju lono pülhapuju kutolo! Eno timiqo kümtsü pelo, “Amen!” ipi pelo. Ampeu sheqhelo!

LESHELE 95:2

Shikimthi keu pesü ningu Pa zülo wuni; Pa lau shekiqhe le phepe alokivishi ighani nolo!

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

NEHEMIA 12:46

Kughengu David ngo Asaph ghuloki lo alephemi shou saphetou ache, eno Alhou lau shekiqhe le ngo shikimthikütsü le acheke.

NEHEMIA 12:8

Levimi: Jeshua, Binnui, Kadmiel, Sherebiah, Judah, eno Mattaniah, pa no pa thiküzümi sasü shikimthikütsü le saphe che.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?