Piyeküsü 6:1 - Sumi Naga CL (Re-edited) Bible (BSI)

¹ Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

BAIBEL (BSI)

¹ Tileno Bheritino likuzu kaku mekhapuakeu tsuni gholo atughiu suphono lhaphe keu ino ithulu, ikelo akuxu akeu lhoxu bidi gholo lakhino tsutsukusu ghugha kimihi lono ishipi, “Ighilo!”

Sümi Tiqhelimi Bible

¹ Ambeti no mekhapüa keu tsünì dolo atüghiu khaqhi keu I no jua. Ikelo aküxü akeu lhoxü bidí dolo lakhi no tsütsü-küsü sütsa toi ishi pi, “Ighilo!”

Piyeküsü 6:1 Referans Kwoze

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.

Piyeküsü 6:5

Kughou Ambeti no michida aküthüu xükho keno, aküxüküa lhoxü aküthüu no, “Ighilo!” pikeu I no chilu. I no jupuwo kelo khurshi tsübui keu lakhi aghi. Ti sakicheu u lo ahu kimghipu ae.

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 6:7

Kughou Ambeti no michida abidiu xükho keno, aküxüküa lhoxü abidiu no, “Ighilo!” pikeu I no chilu.

Piyeküsü 14:2

Tile kungugha lono azüghizü eno tsütsüküsü ghügha kuloghi toike sütsa lakhi I no chilu. Asütsa ti ye küghaküsü lebo kipemi no pano lebo küigha akeshi chilue,

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 6:3

Kughou Ambeti no michida akiniu xükho keno, aküxüküa lhoxü akiniu no, “Ighilo!” pikeu I no chilu.

Apostolmi 4:20

kughengu ningu ye kiu ithulu eno chiluve akeno pimono amlavae.”

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”

Piyeküsü 8:1

Kughou Ambeti no michida akütsüniu xükho keno, kungugha lo asüchedo tüxa toike yenguyive.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.