Piyeküsü 5:8 - Sumi Naga CL (Re-edited) Bible (BSI)

⁸ Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

BAIBEL (BSI)

⁸ Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.

Sümi Tiqhelimi Bible

⁸ Eno kughou pa no liküküzü kaku ikhiluve keno, aküxü akeu lhoxü bidí eno sakiphemi muchomi mukubidi no Ambeti zülo qhoqhünheluve. Panongu kümtsü aheo lakhi-khi pesü ae eno panongu ye ameshoyi no mülà keu bohu lo müsüghüta no chhitoi shi pesü ae, tiye Alhou’w timiqo kighini ke.

Piyeküsü 5:8 Referans Kwoze

LESHELE 141:2

I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

LESHELE 33:2

Aheo pesü Ampeu shikimthi lo; akighi-chighi lebo pesü Pa lau alekungo phelo!

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

LESHELE 81:2

Ale sülo; amqübo küigha lo, akighilebo jeli lono inikivile phelo.

LESHELE 43:4

Tileno Alhou kümlla khache lo, shishe I lovilu chekeu Lhou lau wuno akighilebo pesü O sheqheni, O Alhou, I Lhou.

LESHELE 150:3

Afuko pesü Pa sheqhelo; akighilebo ngo küghaküsü lebo pesü Pa sheqhelo!

IBRIMI 1:6

Itaghi, kughou Alhou no ayeghi lo Pa Nu anoghiu puwu keno, Pa no pi, “Alhouw kungumi kümtsü no Pa mllalo.”

AKIKIHI 7:62

ameshoyi khu gram 110 lo akiptita chhitoi;

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

Piyeküsü 4:6

kükalakhü zülo kiu kela tsüghükhüi ayina züghi ipi kepu toike ae. Kükalakhü homxape ako bidi lo aküxüküa lhoxü bidi, anhethi no azüu eno athiu ghi chhitoi xapuae:

Piyeküsü 5:11

I no itaghi ju akelo kükalakhü, aküxüküa lhoxü bidi eno layemiqo no akeu vehope kungumi qhethonhe no qhethonhe phikha kümla sütsa chilu,

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”

Piyeküsü 6:1

Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.