Piyeküsü 4:6 - Sumi Naga CL (Re-edited) Bible (BSI)

⁶ kükalakhü zülo kiu kela tsüghükhüi ayina züghi ipi kepu toike ae. Kükalakhü homxape ako bidi lo aküxüküa lhoxü bidi, anhethi no azüu eno athiu ghi chhitoi xapuae:

BAIBEL (BSI)

⁶ Akukalakhu zulo ayina zughi toi, phuphuyi ithulukeu ghi ae. Akuka lakhu sumxa pesu, tipau ako phivilo akuxu akeu lhoxu bidi ae, tipaqoye athiu ghi azuu ghi anhethino chhitoi puake.

Sümi Tiqhelimi Bible

⁶ Eno aküka lakhü zülo ahiju züghi lakhi toi tsüghükhüi ae. Aküka lakhü homxa pe akeu mtá lo xü akeu lhoxü bidí ae, eno panongu nhethiqo hu no azüu eno athiu kümtsü küzüpe ae.

Piyeküsü 4:6 Referans Kwoze

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 14:3

panongu ye kükalakhü, aküxüküa lhoxü bidi eno layemiqo zülo puthugho no ale kithe pheae. Ayeghi lono xachilelu kemi pano lakh lakhi qhethonhe lhobidi bidi no kumo aye khunomu ale tipau phemlae.

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

EZEKEL 10:14

Eno lakhikhi no agi bidi xapu ae: agi atüghüu ye cherub gi, agi akiniu ye timi gi, agi aküthüu ye abongshuu gi eno agi abidiu ye alhuqu gi.

EZEKEL 10:12

Tipaqo phimpi, amtsü, kuluho kuchoyi, eno achishiboqo kümtsü anhethi chhitoi xapu ae, kuluho bidi gha tishi ake.

Piyeküsü 7:11

Kungumi kümtsü no kükalakhü eno layemi ngo aküxüküa lhoxü bidi vehope puthugho, eno panongu no kükalakhü zülo itsaqi agi no ayeghi dape Alhou mlla ghi

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 21:11

ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 21:21

Khagho chighikini ye mlapuchi chighikini ke, mlapuchi lakhikhi no khagho lakhikhi mlapüa, eno aphughi laghiqo ye ayina toi phuphushi tsüghükhüi keu ameshoyi no shike.

Piyeküsü 21:18

Aliwo ye jaspertu pesü shipüa eno aphughi huye ayina toi tsüghükhüi keu ameshoyi no shike.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

KUKAMI ATUGHIU 7:23

Hiram no alazayi no azütughuko mla ti ye akijelau aunhekipshe 15, akiqhelau aunhekipshe tsüni tüxa, eno aliho homxa aunhekipshe 45.

JOB 28:17

Ameshoyi momu ayina pesü tipau kimghi mlae, momu chiku-chila kivi pesü ti kilive mlae.

IPEKULU 38:8

Pa no alazayi no akhu eno tipau ghope qhikepu mla, ti ye totimi khunoqo no kuposhukulu phiki kulaghi lo mlache keno tipaqow ahiju pesü mlae.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

Piyeküsü 5:11

I no itaghi ju akelo kükalakhü, aküxüküa lhoxü bidi eno layemiqo no akeu vehope kungumi qhethonhe no qhethonhe phikha kümla sütsa chilu,

Piyeküsü 6:1

Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

Piyeküsü 6:6

Eno aküxüküa lhoxü bidi dolono ipeghi aketoi asütsa lakhi I no chilu, “Atsala kupuju lo qelu keu huye ashothi ahu lakhi, momu barley ahu küthü me shivae, ikemu olive ngo atsailu küma ye shipüsa kevilo!”