Piyeküsü 4:2 - Sumi Naga CL (Re-edited) Bible (BSI)

² Paikhavi Aghungu no I peitha luve, eno julo, kungugha lo kükalakhü aghi eno timi lakhino tile iqa aghi.

BAIBEL (BSI)

² Paikhavino Aghungu no ipeithaluve eno julo kungughalo akuka lakhu lakhi ae eno milakhino tilehi iqa ae.

Sümi Tiqhelimi Bible

² Ghuthukhavi lono ni ye Aghungu no chhitoive, eno kungugha lo timi khami no aküka lakhü lo iqa akeu I zülo ipeghi.

Piyeküsü 4:2 Referans Kwoze

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

EZEKEL 1:26

Tipaqo kütsü shou aliho lo kükalakhü toike lakhi ae, tipau ye sapphire tu mihi; eno kükalakhü toike shou timi jukimihi toike lakhi no iqa ae.

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.

Piyeküsü 4:9

Kugho kughomu aküxüküa lhoxüqo no ajuküvü, agigihu eno shikimthi keu pesü Khuu kükalakhü lo iqa no pülhapuju eno alholo xüacheni keno, Pa tsü kelo,

Piyeküsü 4:5

Kükalakhü lono tsütsüpha küvü ipeghi, tsütsüküsü ghügha no vekipighi igha, eno kükalakhü tipau zülo akulu tsüni, khikhi Alhou Ghungu tsüni keno tipaqo lono ami iqüae,

DANIEL 7:9

“I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

Piyeküsü 5:13

Tileno kungugha eno ayeghi lo, ayeghi qhou eno azüghi lo lhoxü jeli kümtsü no pikeu I no chilu, “Kükalakhü lo iqa akeu, eno Ambeti lau pülhapuju eno alholo shekiqhe eno agigihu, ajekipi eno akumto apelo!”

Piyeküsü 21:10

Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

EZEKEL 10:1

Tithiu I no jukelo cherubim kütsüqa shou aliho akeu lo thime lakhi sapphire toikeu ipeghi, kükalakhü lakhi jukimihi shi ipeghi.

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 17:3

Kungumi huno aghungu lono I xapusü yenguyi ke-a lo wu, tile totimi lakhi no huchuyi keu tüghashi shou iqa akeu I no ithulu, tüghashi ti ye akütsü tsüni eno akibo chighi xapusü aphi lo küthaküghapu je chhitoi aghi.

Piyeküsü 12:5

Li no kiptimi punuve, anu khuu ayiküsü pesü shiye kümtsü shou ayepeni keu lo akeno pa huke. Ikemu anu huye Alhou eno Pa kükalakhü-a lo mxape ikuve,

Piyeküsü 6:16

ngono naghuto eno atuqo pütsa, “Ni shou ilu ikughi lo eno Khuu no kükalakhü lo iqa ani keno Pa zülono eno Ambeti loghu launo ni küghütshüve lo,

JEREMIYA 17:12

Ajekipi kükalakhü abothu lono qhemghai süqhe püakeu ye ni chineki ke.

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

MATTHEW 22:43

Tile pa no pi, “Imaye kushiye David ye Aghungu lono pa vilo Ampeu ipi kea? David no pike,

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,