Piyeküsü 4:11 - Sumi Naga CL (Re-edited) Bible (BSI)

¹¹ “Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

BAIBEL (BSI)

¹¹ “NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

Sümi Tiqhelimi Bible

¹¹ “Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”

Piyeküsü 4:11 Referans Kwoze

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

AHOLE 16:4

Ampeu no mla püakeu kümtsü akimji ani, kixikilamiu ghi küghakütha tsala ghenguno qhipüani.

Piyeküsü 10:6

eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

IBRIMI 1:10

Eno, “No, Ampeu, ampi no abothu lono ayeghiqha boqha gho, eno atsütsü ye O u lo kümla ke;

BOTHUBO 1:1

Abothu lono Alhou no atsütsü ngo ayeghi lhoe.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

LESHELE 18:3

I no Ampeu, khuu sheqhe küzü keno Pa ku, eno ni ye I ghümi launo xaluve.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

Apostolmi 17:24

Alhou khuu ayeghi eno tile akeu kümtsü lho keno, Pa ye kungugha eno ayeghi Mpeu kehu timi no shikeu chineki lo ngo chemoe,

SAMUEL AKINIU 22:4

I no Ampeu, khuu sheqheküzü keno, Pa kue, I ghümiqo launo I xalu tsüe.

Piyeküsü 5:2

Kungumi kumto lakhi no asütsa kuloghi lono ishi asheshu aghi keu I no ithulu, “Khuu no michida lhave no liküküzü kaku xükho küzü kea?”

JOB 36:3

I no putou ala jeli lono I kighithi tsa süghini eno I lhoküsüu no amikucho kepi piyeni.

LESHELE 68:34

Alhou küka sheqhelo, Pa küka kughushu ye Israel shou ani, eno Pa küka ye atsütsü lo ani.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 19:1

Hipa thiu kungugha lo aqokitikhi no igha akeshi asütsa kuloghi lakhi I no ishi chilu, “Hallelujah! Xakulupu, ajekipi eno aküka ye ni Lhouw ke,