Piyeküsü 3:8 - Sumi Naga CL (Re-edited) Bible (BSI)

⁸ “‘I no o kümlaqo ithi ani. Julo, ahukikha khikhi timi khunomu khalu chemo keno, I no o zülo khaqhi püatsü ae. I no ithi anike no ye aküka kumto kitila likhi akeghi I milivemo no I tsape pelu cheni.

BAIBEL (BSI)

⁸ Ino okumlaqo ithiani; julo ino ozulo ahukikha lakhi khaqhi puatsu ani, tipauye timi khunomu khavemla nani; ino ithi anike noye akuka kitila likhi ani ikeghi noye itsape hu pelu acheni eno ije pevechemoe.

Sümi Tiqhelimi Bible

⁸ I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 3:8 Referans Kwoze

1 Kor. 16:9

kughengu ameküapu kümla kije shikulupu dokivi I lau khaqhitsü anike, eno mjochileni kemi kutomo ani.

Kolosiami 4:3

Tipau gholono ni ghengu ghi inikhu tsülo, tishianguno atsakiviu ghenguno Alhou no ni lau ahukikha khaqhi tsüno Khristow tuqhou pesü sheshulu peni, hi ghenguno ni ye akughu shi ani.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

2 Kor. 2:12

Kughou I no Troas lo Khristo tsakiviu pesü asheshuni ye ighi keno, Ampeu no I ghenguno ahukikha khaqhitsü kemu,

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

FILIPIAMI 4:13

Khristo no I shikumto keu vecheo ni ye thokha shilu nani.

Luke 12:9

Ikemu khuu no aqha zülono I miliveni keno, tipaphi shi Alhouw kungumi zülono pa milive nani.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

Piyeküsü 3:15

“‘I no o kümlaqo ithi ani: no ye akumko mu kumo akülüu mu kumoe. O pelo akumko keo akülü kela lakhi shi aghi penishi nolae!

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

1 Tim. 5:8

Ikemu khuu no abolomi tucho moni keno, eno akhotoshi pa kibolomi tucho moni keno, pa ye aküpülü phevae eno pülümokemi nguno alhoksau ke.

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

Piyeküsü 3:1

“Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

DANIEL 11:34

Kughou panongu no veqhiveni keno, panongu ye akukuphu kitila likhi ithulu nani. Amikucho kumomi kutomo no panongu gholo küqha nani,