Piyeküsü 3:5 - Sumi Naga CL (Re-edited) Bible (BSI)

⁵ Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

BAIBEL (BSI)

⁵ Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.

Sümi Tiqhelimi Bible

⁵ Khuu no tokuluu keno pa ghí panongu toi aphimini miyetsüghoi keu pepu nani. Ni ye aküxüpu kaku lono timi tipau je khilemu ikhivemo nani, ikemu I pù eno paw kungumiqo zülo no pa je piphe tsü nani.

Piyeküsü 3:5 Referans Kwoze

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Luke 12:8

“I no nongu vilo piani, khukhumu aqha zülono I je piphetsü keu ye Timi Nu ghi titoi Alhouw kungumi zülono piphetsü nani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.

Piyeküsü 3:4

Tishimu no ye tilau Sardis lo timi aghuloshi khunono aphimini shikitiqe mphi keno khami aphie. Panoqo ye aküzüpu ke ghenguno aphimini kimiye pepusü I gholo cheche nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

LESHELE 109:13

Pa tikughukomi hapheve tsülo; tiqheli akiniu lo ye pa je nuxave tsülo!

SAMUEL ATUGHIU 17:25

Israelmi no pi, “Timi khuu ipeghi ani keno nongu ye pa ithulu anima? Mtsüqheino pa ye Israelmi khünike ipeghi ani. Khuu no pa heqhi luni keno akükau no asaxü kije tsüno pa nga ghi timi tipau tsüniye ani, eno pa pu kibo ye Israel lo zame tsüpe moni keu shi ani.”

ZAKINIU 9:14

I lakha kevilo, Ni ye panongu kütsave no atsütsü qholono panongu je pühave tsüniae. Tithiu no I no o pesü panongu nguno shiye kuloghi eno akumtou shitsüni.’

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.