Piyeküsü 3:20 - Sumi Naga CL (Re-edited) Bible (BSI)

²⁰ Julo, Ni ye ahukikha lo puthugho no kukhu ani. Khuu no I sütsa chilu no ahukikha khaqhi tsüni keno I no pa lau iloghi no pa sasü chushoni eno pa no I gholo chushoni.

BAIBEL (BSI)

²⁰ Julo, ino ahukikha phivilo puthughono kukhu cheni; khunono isutsa chiluno ahukikha khaqhini keno ino pa lau iloghini eno pa sasu kuchukusho shini.

Sümi Tiqhelimi Bible

²⁰ Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.

Piyeküsü 3:20 Referans Kwoze

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

MATTHEW 24:33

Tihutoi, nongu no hi kümtsü ithulu kelo ado ye aphivilo, khagho tovae pi ithilo.

Luke 17:8

Tishinike züqhulo pa vilo, ‘I ghenguno alibe kutolo, o phimini kilive no I no chusho akelo I lojilo, eno kutou no o pelo chusho peni,’ ipi nani ke kumo?

John 10:3

Khagho kheu no pa khaqhisü cheni. Ambeqo no pa sütsa chilu cheni eno pa no pa mbeqo aje pi ghi kucheni eno khalau sawu cheni.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.