Piyeküsü 3:19 - Sumi Naga CL (Re-edited) Bible (BSI)

¹⁹ I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

BAIBEL (BSI)

¹⁹ Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

Sümi Tiqhelimi Bible

¹⁹ I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.

Piyeküsü 3:19 Referans Kwoze

1 Kor. 11:32

Tishimu kughou Ampeu no ningu shou küghathabeni keno, ti ye ningu shikümzü ani, tishianguno ningu ye ayeghiqha gholono kileqhive pemo niye ke.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

JOB 5:17

Julo, Alhou no khuu sakiyini keno pa kümghapue; ikehu Akughushuu no shikümzü keu milive kevilo.

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 7:28

Nono panongu vilo pi nani, ‘Shiye hipau ye pano MPEU Alhou gholu move, eno sakiyi keu ikhilutsü move; kuchou hu pühave; ti ye panongu mütsü lono ikhive.

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

AHOLE 22:15

Itimi mlo loye alhoaye lono mbomzü shikeu acheni, ikemu sakiyi keu küsü huno tipau hapheve tsü cheni.

AHOLE 15:32

Akükütsütsa jukümghaleve keu ye pa ampi thogha ani, ikemu shikümzü kelo ikhilu keu ye alotsü kithe nani.

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

LESHELE 39:11

Kughou axine ghenguno sakiyi ghi Nono timi lakhi ghasüni keno, Pa no akighipi shi akeu Nono amimi toi kütsave tsü cheni; mtsüqheino timi kümtsü küxü ye atuthu kishedo lakhi ke!

ZAKINIU 8:5

Tishiaye nongu mlo lo hi ithilo, milakhi no pa nu sakümzü ketoi Ampeu nongu Lhou no nongu sakümzü cheni.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Rommi 12:11

Akipichi shi kevino aghüthi püxülo, anguagha xüthilei shino Ampeu qelo.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

LESHELE 94:10

Pa no shiyeqo ghime cheni, Pa ye panoqo sakiyi moveni keshea? Khuu no akighithi pesü timiqo shika cheni keno—

LESHELE 6:1

O Ampeu, O mlo kighide lono I sakiyi kevilo, O loghu lono I sakiyi kevilo.

SAMUEL AKINIU 7:14

I no pa pu shi nani, eno pa no I nu shi nani. Kughou pa no pimiveni keno, apu lakhino pa nu sakiyi keshi I no pa ghasü nani,

2 Kor. 6:9

ithi akeghi mtha ketoi ni kihi cheni, ikemu kuchou loye aqha kighithimi ke; kithimi toi, ikemu julo, ningu ye xüani; ghimeqhi akeghi pithive moe;

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

AHOLE 15:10

Achipiu laghi pheve kemi ghenguno aghime kije ani, khunono shikümzü keu mithi cheni keno thi nani.

Galatiami 4:18

I no nongu gholo akelo likhino kumo püzü alhokuthu lo akimji kivi ghenguno amlo tsüqhiyi keu ye aloe.

ZEFANIA 3:2

Li ye khuu sütsa mu ini chemo; eno shikithekütsü ikhilu chemoe. Li ye Ampeu pükhübe chemo; eno Alhou kupunu ighi chemoe.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

MATTHEW 25:7

Ilimi tipaqo kümtsü no ithu pano kulu tsüghüphe.