Piyeküsü 3:17 - Sumi Naga CL (Re-edited) Bible (BSI)

¹⁷ Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.

BAIBEL (BSI)

¹⁷ Nono ishi picheni, ‘Niye kinikuluke eno nibonileivae, niye kiumu avehupu shiamoe.’ Ikemu noye kiutoi itamujui kimiye kepushi anikeno noye muthano ani. Noye aqu-aghashi anhethi iche eno aphi kumsa ngo anie.

Sümi Tiqhelimi Bible

¹⁷ Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.

Piyeküsü 3:17 Referans Kwoze

AHOLE 13:7

Khami ye kiumu kühamu kinimi ghili shicheni, khami ye kumlhomi ghilishi anamu küakini kütsasa acheni.

HOSIYA 12:8

Ephraim no pivae, “Ah, ni ye kinimi; I sala küakini phuluvae; I kümla lo panongu ye I kipimi momu I xine ithumlae.”

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Rommi 7:24

Ni ye kiu toi anguküsapu timi kelae! Khuu no akithi phimpi hipau lono I xaphetsü nani kea?

Luke 1:53

Pa no thime kivi pesü athokhami tsüvae, eno kupukuno shi akemi ye Pa no au kümsa puwuvae.

MATTHEW 9:12

Ikemu Jisü no hi chilu no pi, “Aküsümi no kumo aye khunono vithai ani keno shikipiviu avehupu kühae.

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

BOTHUBO 3:7

Tithiu pama nhethi xükhove, eno pama ye aphikümsa shi akeu ithive. Pama no mubuni jikime küqhano nhapuve.

2 Peter 1:9

Kughengu khunono ameküapu hipaqo küha keno pa ye anhetsü ikholo kehu püzüu xine shikimtheve tsükeu pishipuwo ithulu chemoe.

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

Luke 6:24

“Ikemu nongu khunono kinimi keno ahasapue, kughengu nongu ye itehi no alokughunopu ithuluvae.

ZEKHARIA 11:5

Panongu qhüluve keqo no pano ghiqhive kemu aghime tsümono wuvepe, eno khunono panongu jeve keno tipaqo no pi, ‘Ampeu sheqhelo, ni ye kinimi shivae,’ pano mbekhemi no pano küpümoe.

IPEKULU 32:35

Tishino Ampeu no timiqo shou püsa puwu, kughengu panongu no amshiti mla ke, ti ye Aaron no mlakeu.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

ISAIAH 42:19

I qeu nguno anhethi kighicheu khuu ani kea? I tsapeu nguno akini kughupou khuu ani kea? Iw kishekiphe nguno anhecheu khuu ani kea? momu Ampeu qeu nguno anhecheu khuu ania?

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

Piyeküsü 3:16

Nono lüpünhape akumko akülü khikhiu mu kumoke ghenguno I kichi lono I no o puquleve nani.