Piyeküsü 22:18 - Sumi Naga CL (Re-edited) Bible (BSI)

¹⁸ Khunono kaku hipau lo tungkuptsa chiluve akeno, ni John, no milakhikhi vilo kütüghüve ani, khuana no hipaqo lo süküphave aye, kaku hipau lo püsa jeli yepüa keqo pesü Alhou no pa shou küphatsü nani,

BAIBEL (BSI)

¹⁸ Khunoqono kaku hipaulo tungkuptsa chiluve akeno ni Johan no tipaqo vilo piputo ani, khunono hipaqolo kiukiumu sukuphani keno, kaku hipaulo pusaqo pipuakeu Alhou no tipau pesu pa shou aghime qabetsu nani.

Sümi Tiqhelimi Bible

¹⁸ Liküküzü kaku hipau lo tungkuptsa chiluve kemiqo kümtsü lau I no pikichi ani: Timi khuala no tungkuptsa hipau lo kiuala alá süküpha aye Alhou no liküküzü kaku hipau lo püsa ghili pipüa keu pesü timi tipau ghimeqhi nani.

Piyeküsü 22:18 Referans Kwoze

ZAKINIU 12:32

“I no azah nongu tsü akeu thokha shilo; tile kiumu süküpha kevi momu ikhive kevilo.

ZAKINIU 4:2

I no nongu lau kiu azah tsüve akeno tipau shou kiumu küpha momu ikhive kevilo, ikemu Ampeu nongu Lhou zakütsü khikhi I no nongu tsüve akeno papelo.

AHOLE 30:6

Pa tsa nguno alau süküpha kevilo, tikumo aye Pa no o sakiyi nani eno no ye kimkimi shi phuluve nani.

Piyeküsü 1:3

Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

ACHINE 26:18

Ishi keghi nongu no I gholumo aye, I no nongu xine ghenguno ghuthu tsüni küghüsü no ghime nani.

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

MATTHEW 15:13

Pa no khochile, “I Pu kungugha lo akeu no shosümo keu sübo thaqhü nhüve nani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 15:6

eno kungumi tsüni no phepheike phi tsüghükhüi pepusü ameshoyi mlaküxa no panongu mla veho puve no püsa tsüni pesü akimthe chineki lono ipeghi.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

ACHINE 26:37

Khunomu hachemo keghi azütakikihi zülo poche keshi lakhino lakhi shou küpxa nani. Nongu ye aghümi puqhelu kepu küha nani.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 22:9

kemu pa no I vilo pi, “Moe, tishi kevilo! No eno o thiküzümi tungkupmi, eno khunono kaku hipau lo akeu tsaqo pecheni keno, tipaqo gholo nighi aqemi lakhike. Alhou mllalo.”

Piyeküsü 22:10

Itaghi pa no pi, “Kaku hipau lo tungkuptsa akeqo mekhape püa kevilo, kughengu ado ye punukhoivae.