Piyeküsü 21:4 - Sumi Naga CL (Re-edited) Bible (BSI)

⁴ Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

BAIBEL (BSI)

⁴ Panoqo nhethi lono anhezu kumtsu pano isuvetsu nani. Akithi khilemu kuhave nani, amlo imekeu, akuqa momu aghime hauve nani. Aqau thimeqoye wokhavae.”

Sümi Tiqhelimi Bible

⁴ ‘Pa no panongu nhethi lono anhezü kümtsü isüve tsü nani. Tilehi khilemu akithí küha nani,’ mloqa keu, aküqa momu aghime kühave nani, kughengu aqau thimeqo ye wovae.”

Piyeküsü 21:4 Referans Kwoze

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

1 Kor. 15:26

Aghümi ashekhau kütsa masakeu ye akithi ke.

ISAIAH 60:20

Now khetsünhe ye khilemu ilovemo nani, momu no qhi ye khilemu süchileve monani; kughengu Ampeu no shekhaha nongu küvü shinani, eno nongu mlo ghime tsala ye kishekhave nani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

JEREMIYA 31:13

Tile ilimiqo no alovi ilhe nani, apumi eno layemi no alovi nani. I no pano mloghuju pesü alokivi lo süvetsü nani; I no pano lokughuno tsü, amloksa theli lo alokiqi tsü nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

Piyeküsü 21:1

Tileno I no atsütsü eno ayeghi kithe ithulu, kughengu atsütsü eno ayeghi atüghüu, eno azüghi ye kühave ke.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

1 Kor. 7:31

eno ayeghiqha peitha akemi no kiumu kütshükime küha ketoi lo. Kughengu itehi akeu yeghiqha kogheküghü ye küha wocheae.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

LESHELE 144:4

Timi ye atuthu lakhi toike; pa tsala ye wove chekeu yekükhü toike.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

IBRIMI 12:27

“Itaghi ghuthu lakhi,” ipikeu tsa ye süküghütha kulupu thime ye ikhive nanie pikeu kiqi, ti ye lhosü keu thime, tishianguno süküghütha mlakeu thime no acheuve peniye ke.

Piyeküsü 20:13

Azüghi lono thive kemi tilau azüghi no ikhiphe tsü, Akithi ngo Kithigha ghi tilau kithimi akeqo ikhiphe tsü, eno panongu lakhikhi no kiu mlapüa keno tipau kiqi lono küghathabe tsü.