Piyeküsü 21:12 - Sumi Naga CL (Re-edited) Bible (BSI)

¹² Tipau ye aliwo kije eno chuqumghai keu no botha püa, eno kungumi chighikini no khagho chighikini khea, ti kümtsü lo Israel laghami chighikini je yepüa—

BAIBEL (BSI)

¹² Tipau puwupe puakeu huye qhemghai kijeke eno tipaulo khagho chighikini ae eno kungumi chighikinino khaghoqo kheae. Khagholo Israilmi alagha chighikiniqo je yepuku pua.

Sümi Tiqhelimi Bible

¹² Akimthe Mishighüna lo aliwo kuputu kijè eno qhemghai keu ae eno tilehi khagho chighikini akeu lo kungumi chighikini no khaghoqo lo ngo ae. Khaghoqo lo Israel shiaye chighikini je yèpüa.

Piyeküsü 21:12 Referans Kwoze

Piyeküsü 21:25

tipau khagho ye puchopuju khaqhi püache nani, eno tile ye khilemu putho shivemo nani.

ISAIAH 54:12

O ki kütsüqa ye ruby tu pesü shitsü nani, ow khagho ye carbuncle pesü shitsü nani, eno o liwo ye kümtsü akughupu tu pesü mlatsü nani.

LESHELE 122:7

O liwo alou külakishi apelo O qoghe alou sükusho apelo!”

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

LESHELE 51:18

O lokiqipu shi Zion lo akivi mla tsülo; Jerusalem liwo shiqhe tsülo;

NEHEMIA 12:27

Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

Apostolmi 26:7

Hi ye ni shiaye chighikini no ithuluni ke lajupu qhino putho pucho müamzü Alhou mlla chekeu ke. Eno hipau lajupu ghenguno Jewmi no I nguku ani, O akükau!

EZRA 9:9

Kughengu ningu ye aqü-axemie. Tishimu ni Lhou ye aqü-axe lo ni qhive moe, ikemu Persia kükami zülono Paw iqemokeu kikimiye ningu lau pephe piye tsüno ni Lhou ki shipuku lupe, ti kütsave keu mlakithe lupe, eno Judea ngo Jerusalem lo sükusho ni tsü peke.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

IPEKULU 28:21

Israel nuliqo je kiqi lono atu chighikini qhini. Tipaqo ye jedapu nguthi toi Israel shiaye chighikini ghenguno lakhikhi lo aje lakhikhi yepukuni.

Piyeküsü 21:13

khagho küthü no kipelau, küthü no ahuu, küthü no apeu, eno küthü no kulolau ishi ae.

Piyeküsü 21:15

Kungumi I pütsa akeu no aphughi eno khagho ngo aliwo mighi niye ameshoyi kimghipu süta au lo pecheghi.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

YEKIKITHI AKINIU 9:19

Abongshuu chighikini no anepa tsügho lo hula hila aphe lo qhike. Hitoi keu khuno kükaqha ghenguno mu mla püamoe.