Piyeküsü 20:11 - Sumi Naga CL (Re-edited) Bible (BSI)

¹¹ Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

BAIBEL (BSI)

¹¹ Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Sümi Tiqhelimi Bible

¹¹ Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.

Piyeküsü 20:11 Referans Kwoze

Piyeküsü 21:1

Tileno I no atsütsü eno ayeghi kithe ithulu, kughengu atsütsü eno ayeghi atüghüu, eno azüghi ye kühave ke.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Piyeküsü 16:20

Züdoyeghi kümtsü lakhikhi no yimive eno naghutoqo no thosü-a lo ngo move no külaqa khave.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

Piyeküsü 12:8

ikemu pa ye theqhive, eno tithiu ye kungugha lo panongu-a kühave.

LESHELE 97:2

Khüngküsü eno aküzü kutho no Pa vehomxape ani; amikucho eno kuchou xakütha no Pa yekipe boqhae.

LESHELE 89:14

Achipiu mikucho eno kuchou xakütha no O kükalakhü boqha; iqemokeu kikimiye eno pükhükulu no O züu checheni.

LESHELE 47:8

Alhou no shiyeqo shou ayepe cheni; Alhou ye Pa kimthe kükalakhü lo iqa ani.

Piyeküsü 4:2

Paikhavi Aghungu no I peitha luve, eno julo, kungugha lo kükalakhü aghi eno timi lakhino tile iqa aghi.

JOB 9:6

Pa no ayeghi süküghütha kelo atsükuchoqo no ithauve cheni;

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

LESHELE 102:26

Tipaqo ye hauve nani, ikemu No ye ache nani; tipaqo ye aphimini toi aqa shive nani. Nono tipaqo aphimini toi kilive nani, eno panoqo ye hauve nani.

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

MATTHEW 11:22

Ikemu I no nongu vilo piani, küghakütha tsala lo Tyre ngo Sidon no nongu nguno aghimepu mthüthei puqhelu nani.

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”