Piyeküsü 2:25 - Sumi Naga CL (Re-edited) Bible (BSI)

²⁵ Nongu no kiu ani keno I no ighi moke dolo tilikhi mtotoi tsüqüpe lulo.

BAIBEL (BSI)

²⁵ ikemu ino ighimoke kutolo nonguno kiu ani keno tipau mutotoi tsuqupe alo.

Sümi Tiqhelimi Bible

²⁵ ikemu nongu ye I no ighimo ke kutólo nongu u lo kiu ani keno tipau tsüqüpe ngo lo.’

Piyeküsü 2:25 Referans Kwoze

Piyeküsü 3:11

Ni ye ke-i cheni. Nono kiu pe ani keno mtotoi pelulo, tishi aye khunomu o kütsükuqho süxa luvemo nani.

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

1 Thes. 5:21

ikemu thokha pejulo; kiu no akivi keno mtotoi tsüqü lulo.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

1 Kor. 11:26

Kughengu nongu no khijehi asho hipau chu eno ajukhu ikhiluni keno, tijehi Ampeu ighi moke kutolo nongu ye Pa kithi pikülhatsü anike.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

Apostolmi 11:28

Panongu gholo Agabus ipikeu no puthugho no ayeghiqha kümtsü lo püqümiye kije chenie pi Aghungu vecheo pichho tsü (hi ye Claudius ghuloki lono shikupuve).