Piyeküsü 2:22 - Sumi Naga CL (Re-edited) Bible (BSI)

²² Julo, I no li pesü aküsü züalo vepukuve nani, eno khunono li sasü kütüqha cheni keno, panongu no li xine lono xaidemo keloye I no küsakushupu lo panoqo vesüve nani,

BAIBEL (BSI)

²² Julo, ino li kughapesu azualo veda nani, eno khunoqono li sasu salha cheni keno, panonguno li sasu alhoksa shichekeu launo xaideghivemo aye, panongu ghi li gholono aghime kithikhi sholupe nani.

Sümi Tiqhelimi Bible

²² Tighenguno I no aghime lipa lo li vedave nani, eno khunoqo no li gholo küqha no shupu kümlà shi cheni keno panongu no xaideghimo aye li gholo no aghime kitikhi shi ime pe nani.

Piyeküsü 2:22 Referans Kwoze

Piyeküsü 17:2

ayeghi lo kükamiqo no li sasü kütüqha cheni; eno li ghili küsa jukhu no ayeghi lo timiqo shokümzüvae.”

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

JEREMIYA 36:3

Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

EZEKEL 23:29

panongu no akimthipu shi o peitha nani eno nono aghimeshi mlaitha keu xathi pewuve nani, eno aphimini pepipe mono aphikümsa o qhive nani, nono kütüqha keu phikümsa shi akeu ye lhapheve tsü nani. O salha eno kütüqha keu

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.