Piyeküsü 2:14 - Sumi Naga CL (Re-edited) Bible (BSI)

¹⁴ Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

BAIBEL (BSI)

¹⁴ Ikemu niye oshou thime lakhi kini pikepu ani: ogholo timi khamino Balaam kukutsu pape cheni. Balaam no Balak pelo Israilmi zusawo ajulho shisuno mllakeu chuqupu chupenikeushi shika eno Israilmi pelo salhashupuve peniye shikake.

Sümi Tiqhelimi Bible

¹⁴ Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

Piyeküsü 2:14 Referans Kwoze

2 Peter 2:15

Panongu ye achipiu laghi pheve no ala ghüzü lo itsü wuvae. Panongu ye Beor nu Balaam papesü wuvae, pa ye alhoksa kümla lono ala kighishe lunishi che,

AKIKIHI 31:16

Julo, hipaqo no Peor lo Balaam mijekütsü lono Israelmi pelo Ampeu lau pükhükümla shipe keu lono AMPEUw timiqo shou püsa ighike.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

JOSHUA 24:9

Tithiu Zippor nu Balak Moabmi kükau no ithu Israelmi sasü aghüshi. Pa no nongu ghusho peniye Balaam kupuwu.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

Apostolmi 21:25

Ikemu Jewkumomi pülü luve kemi ghengu ye, nino panoqo lau niw xakütha shikeu yesü tsü puwuvae, pano vilo ajulho lau akümllagho tsüve keu ngo aji, tshükiqhi lhoxü chukevi, eno shupu-salha kevilo pivae.”

AKIKIHI 31:8

Panongu no Midian kükami pungu pithive tsü: Evi, Rekem, Zur, Hur, eno Reba. Panongu no Beor nu Balaam ghi pithive.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

1 Kor. 7:2

Ikemu kipti-toti dolo mithekumo ghukuju ghenguno kiptimi kümtsü pütüta nipu akepu eno totimi kümtsü pütüta kimi akepue.

MATTHEW 18:7

“Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

Rommi 14:21

Ashi na aji namu momu kiu kiumu o thiküzümi no küpxa luve kepu thime ye chusho move keu pavie.

Rommi 14:13

Tighenguno, itehi ye ningu lakhino lakhi shou küghathabe moveni nolo, eno athiküzümi la lo küpxalu momu kütüsülu kepu kiumu qhitsümoni.

EZEKEL 44:12

Kughengu panongu no pano süatu julhoqo zülono Israel kibolomi lau achine kümla shino panongu lau apukhu küpsüpu xine shike, tighenguno I no panoqo ghenguno tushoqhive, ipi Ampeu Alhou no asheshu, eno panongu ye pano ghime xapu nani.

JEREMIYA 6:21

Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

Piyeküsü 2:4

Ikemu Ni ye o shou xube kepu hi ani, no ye o kikimiye atüghüu hu phevae.

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

Rommi 11:9

David ghi hitoi pi, “Pano ghulhu lüpa huno alichhe ilhouve pelo, tino pano ghenguno aqo shive no aghimepu shipelo;

Rommi 9:32

Kushiye kea? Kughengu panongu no aküpülü vecheo phumono akümla shou pükhübe kehue. Panongu ye apukhu küpsüpu tuqu lono küpxave,

ISAIAH 57:14

Hitoi piche nani, “Shiqhelo, shiqhelo, alaghi kutolo, Iw timiqo laghi lono vekhape akeu kümtsü ikhive lo.”