Piyeküsü 19:18 - Sumi Naga CL (Re-edited) Bible (BSI)

¹⁸ kükami shi chukepu shi, keptenqo shi, akumtomi shi, khurshi ngo tipau sakichemi shi, timi shi, ti ye ililai kemi eno aqüaxemi, kijemi eno kitilami, kümtsü shi chukepu shilo.”

BAIBEL (BSI)

¹⁸ Ighilo eno kukami shi, Generalmi shi eno ghushimiqo shi chulo; khurshi ngo tipa shou ikuchekeqo shi timi kumtsu shi, aquaxemi timi qechemokemi shi eno kijemi kitilami shi chulo!”

Sümi Tiqhelimi Bible

¹⁸ tishianguno nongu pelo kükamiqo, ghüshimiqo shou atou eno aghütomiqo, khurshi eno tipau küsámiqo, kuqhopheve kemi eno aqüaxemiqo, kijemi eno kitilami kümtsü shi chu peniye ke.”

Piyeküsü 19:18 Referans Kwoze

Piyeküsü 6:15

Tishino ayeghi lo kükami, kijemi, ghüshitomi, kinimi, akumtomi, eno lüthü, aqemi, eno ililai xüakemi kümtsü no atuki eno naghuto lo atuqo dolo itshüpe,

JEREMIYA 34:20

I no panongu pesü pano ghümi eno pano küxü phuche kemi u lo süvetsü nani. Pano kithi kumo ye amülhü lo aghauqo eno ayeghi lo tüghashiqo chuqupu shinani.

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

JEREMIYA 7:33

Timi hipaqo kithi kumo ye aghau chuqupu shinani, eno ayeghi lo tüghashiqo chuqupu shinani, khunomu panongu kichi hapupomo nani.

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

SAMUEL ATUGHIU 17:44

Pa no David vilo pi, “I lau ighilo, eno I no o phimpi pesü atsütsü lo aghau eno aluza lo tüghashiqo tsüveni.”

ZAKINIU 28:26

Nongu no thive kelo asükumo ye aghau ngo tüghashiqo no chuve nani eno tipaqo shikümsa no hapuponi kemi kühave nani.

Piyeküsü 13:16

Tüghashi huno itaghi kijemi kitilami, kinimi kumlhomi, tsügha püakemi ililai kemi kümtsü pelo au ajeu momu akishe lo amichi shipeni keu shive,

Luke 17:37

Panongu no pa vilo pi, “Ampeu, khileno kea?” Ampeu no khochile, “Khile akumo ani keno, tile alhuquqo kumqo nani.”

MATTHEW 24:28

Khile khilemu akithi kumo akeu lo küzüva lhuquqo anani.

EZEKEL 29:5

I no asayeqha lo o peve nani, no eno o ghoki lo akha kümtsü; no ye aluza lo ikiqive nani eno khunomu o hekütsümo nani. I no o pesü ayeghi lo tüghashi eno atsütsü lo aghau chuqupu shi tsüve nani.

EZEKEL 39:17

“Timi nu, Ampeu Alhou no ishi piani: Aghau jeli eno aluza lo tüghashi kümtsü vilo pilo, ‘Hekütsüpe ighilo, aghakishi ghulhu, Israel lo naghutoqo shou aghakishi ghulhu kije lakhi I no nongu ghenguno kuto akeu lo aqha kümtsü lono ighi no hekütsülo, nongu no ashi chu eno aji yelu nani.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”