Piyeküsü 18:19 - Sumi Naga CL (Re-edited) Bible (BSI)

¹⁹ Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.

BAIBEL (BSI)

¹⁹ Panonguno amlo kusa launo panoqo kutsulo ayeghi mukhu epuku eno panonguno ighamuku qae: “Aha! Aphughi kije huye kiutoi ahakusapu shivea kela! Khunoqono azughilo zukilu pighiche keno tipaqono liwu kinikulu lono kinimi shiluveche keu phughike! Atuqhudo lakhi lono liye thwokha kumtsu puhavae!”

Sümi Tiqhelimi Bible

¹⁹ Panongu no ayeghimukhu pesü panongu kütsü lo vepuku nani, eno anhezü-piji eno mloqa ghi ishi igha nani: “ ‘Mishighüna ajekipiu, O ghenguno ahasapue! Ahasapue! azüghi lo zükilu akemi kümtsü li küakini vechewo kiními shilu ke! Ayì kihedo lakhi dolo no li ye kütsakungovae!’

Piyeküsü 18:19 Referans Kwoze

Piyeküsü 18:10

Panongu no li ghime jumsa kelauno putou puthugho ngo no pi nani, “Oishe! Babylon, no akiqheu mishighüna, no akumtou phughi, anguküsapu ghi lae! Kughengu asüchedo lakhi lono ow küghakütha ighivae!”

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

EZEKEL 27:30

eno asütsa vekipighi ighamku eno kukhukimji shi qae. Panongu no pano kütsü lo ayevu ayeghimkhu lepuku no ihie;

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

JOB 2:12

Panongu no putou no Job ithulu kelo pa ju michi mlave. Tileno panongu no asütsa süqhe no qauve, eno panongu phimini süxüve no ayeghimkhu epe kunguu vepuku püzü panongu kütsü shou ikughipe.

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

SAMUEL ATUGHIU 4:12

Benjamin lagha lo timi lakhi no itapinyi keu phimini pusü ayeghimkhu no akütsü lo epuku no aghüshiqa lono posü Shiloh lo ighi.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

SAMUEL AKINIU 13:19

Tamar no li kütsü lo ayevu epuku no chijeboike phi kushuo pepu akeu süxüve. Eno li no au pesü akütsü nhave no igha qasü wuve.

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.