Piyeküsü 13:10 - Sumi Naga CL (Re-edited) Bible (BSI)

¹⁰ Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

BAIBEL (BSI)

¹⁰ Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Sümi Tiqhelimi Bible

¹⁰ “Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Piyeküsü 13:10 Referans Kwoze

JEREMIYA 15:2

Panongu no o vilo, ‘Ningu ye khila wuveni kea?’ ipi aye panongu vilo pilo, ‘Ampeu no ishi piani: “‘Püsa no ghaveni kemi no püsa, azütakikihi lono thini kemi no azütakikihi; püqümiye lono thini kemi no püqümiye, akughu lono thini kemi no akughu lono thi nani.’

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Luke 21:19

Nongu no kutuu puqhelu keu lono nongu ye aküxü achili shilu nani.

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

MATTHEW 26:52

Tile Jisü no pa vilo pi, “O zütakikihi abohu lo süvelo. Kughengu azütakikihi kipemi kümtsü ghüyi lono wonani.

JEREMIYA 43:11

Pa no ighi no Egypt leluve nani, eno püsa no ghaveni kemi no püsa lono thive nani, akughu lono thini kemi no akughu, azütakikihi lono thini kemi no azütakikihi tsüve nani.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

AKUMLO 3:26

Milakhi no inaqhoi AMPEUw xakulu ngokhe keu ye aloe.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

Piyeküsü 2:19

“‘O kümla, o kikimiye, aküpülü, hukuthu, kutuokutuu puqhe chekeu, eno püzüu kümlaqo kiyeve ghi itehiu pavi mla akeu kümtsü I no ithi ani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 17:11

Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.