Piyeküsü 11:9 - Sumi Naga CL (Re-edited) Bible (BSI)

⁹ Atsala küthü tüxa kutolo timi jeli, ashiaye, atsa, eno shiye jeli no pama sükumo lo jupuku no pewo shiqhoni keu ghi lakha nani,

BAIBEL (BSI)

⁹ Atsala kuthuno tuxa kutolo timi jeli, ashiayeh jeli, aqo-aho jeli eno atsa jeli lono timiqo ighi puzu pama sukumolo jupuku nani eno akumokilo tipaqo suwo qhovenikeu lakha nani.

Sümi Tiqhelimi Bible

⁹ Atsala küthü tüxa kutólo timi jeli, ashiaye jeli, atsa jeli piche kemiqo eno shiye jeli lono timiqo no pama sükumo lo jupuku nani eno pama qhove pe nikeu lakükha shi nani.

Piyeküsü 11:9 Referans Kwoze

Piyeküsü 17:15

Kungumi huno I vilo pi, “Aghoki khipaqo shou kütüqhaliu no iqa akeu nono ithulu püa keno tipaqo ye timi aqokitikhi, shiye eno atsa jeliqo ke.

Piyeküsü 11:11

Ikemu atsala küthü tüxa thiu pama lolo Alhou launo ighikeu aküxüpu tuthu ilove no pama ye puthugho luve, eno khunono pama ithulu keno akümsapu kije no pano shou ikughive.

Piyeküsü 10:11

I vilo highi pi, “No ye itaghi ashiaye, shiye, atsa jeli eno kükami kutomo lau tungkuptsa pimasae.”

Piyeküsü 13:7

Itaghi tipau pelo küpülümi shou aghü küpüghü no toluve penike azah tsüve. Ashiaye jeli, timi mqo, atsa eno shiyeqo shou aküka peithalu penike azah tsüve,

YETSAPIU 6:3

Timi lakhi no atianuli 100 kutolo aghi no ampe kutomo xünamu, pa küxü lo alokivi thimeqo shou alokiqi küha, eno akivishi pa sükumo shiqholu kepu shimo aye, I no pi anike anga akithi shi ghi punu keu huno pa nguno akiviue.

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

JEREMIYA 7:33

Timi hipaqo kithi kumo ye aghau chuqupu shinani, eno ayeghi lo tüghashiqo chuqupu shinani, khunomu panongu kichi hapupomo nani.

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

KUKAMI ATUGHIU 13:22

eno o vilo a-a hile ye “Asho mu chu kevi, azü mu sho kevi,” ipi keghi, nono ideighi no chushove akehu o kumo ye o puasüqo kumo kuqho-a lo ighi moae.’”

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,