Piyeküsü 11:18 - Sumi Naga CL (Re-edited) Bible (BSI)

¹⁸ Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

BAIBEL (BSI)

¹⁸ Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Sümi Tiqhelimi Bible

¹⁸ Shiyeqo ye amloide ake, ikemu O loghukighide hu ye ighivae. Kithimi shou küghathabe nikeu eno pa qemi ngò tungkupumiqo kijè lono kitila kutólo eno ow timi O je gihu chekemiqo qesaxu tsüní keu eno khunoqo no ayeghi kütsave keno tipaqo kütsave nikeu do ighivae.”

Piyeküsü 11:18 Referans Kwoze

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

LESHELE 103:11

Kughengu atsütsü no ayeghi nguno qhemghai ketoi, Pa gihu chekemi lau Paw iqemokeu kikimiye kije ani;

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

LESHELE 110:5

Ampeu ye o u ajeu ani; Pa loghu tsala lo Pa no kükami haleve nani.

LESHELE 85:9

Mtsüqheino Paw xakulu ye Pa sümsa chekemi phivilo ani, tishikeu lono ajuküvü ye ningu yeghi lo anani.

LESHELE 2:5

Tithiu Pa loghu lono Pa no panoqo pütsa nani, Pa xukighide lono panoqo kichi kümsa no pi,

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

Piyeküsü 11:2

ikemu achineki khala ye mighi kevino kopheve lo, kughengu ti ye Alhou kümthami shiye lau ikhiphe tsüvae, eno panoqo no aqhi lhobidi kini kutolo Akimthe phughi neda qoda nani.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

DANIEL 7:26

Ikemu xakütha ghenguno küghaki ye kutope anani, eno ashekha loye qhoi pühave eno kütsaveni ke ghenguno pa yekipeqha ikhi süwuve nani.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 8:12

Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

DANIEL 11:44

Ikemu kipelau eno ahuu sütsa huno pa shithüghüive nani, pa no axukighide kije lono timi kutomo kütsani ke wu nani.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

Piyeküsü 13:16

Tüghashi huno itaghi kijemi kitilami, kinimi kumlhomi, tsügha püakemi ililai kemi kümtsü pelo au ajeu momu akishe lo amichi shipeni keu shive,

Piyeküsü 19:18

kükami shi chukepu shi, keptenqo shi, akumtomi shi, khurshi ngo tipau sakichemi shi, timi shi, ti ye ililai kemi eno aqüaxemi, kijemi eno kitilami, kümtsü shi chukepu shilo.”