Piyeküsü 10:10 - Sumi Naga CL (Re-edited) Bible (BSI)

¹⁰ I no kungumi u lono liküküzü kaku aghulo hu ikhipe chuve. Ti ye I kichi lo akhingozü toi ngonyi michelu, ikemu I no ti chusü kelo I po no khumtsaive.

BAIBEL (BSI)

¹⁰ Ike ino kungumi ulono likuzu kaku aghulo hu ikhilu puzu tipau chuve eno ikichilo tiye akhingozu toi ngoyini michelu. Ikemu ino tipau chuve kelauye ipolo khumtsayive.

Sümi Tiqhelimi Bible

¹⁰ I no kungumi u lono liküküzü kaku aghulou hu ikhiluve püzü chuve. Tiye I kichí lo akhingozü toi ngoniyi chulu ke, ikemu kughou I no chusüve keno tiye I kive lo khumtsaive.

Piyeküsü 10:10 Referans Kwoze

EZEKEL 3:3

Pa no I vilo pi, “Timi nu, I no liküküzü kaku hipau o tsü akeu chulo eno hipau pesü o po shepichhi lulo.” Tileno I no chu keloye I kichi lo akhingozü toi ngonyi chulue.

AHOLE 16:24

Küpüqhiyi keu tsa ye akhingozü toi angulho ghenguno ngonyi eno aphimpi ghenguno akumto ke.

LESHELE 119:103

O tsa ye I ghenguno kishita jumghai kela! I kichi lo akhingozü nguno ngonyi ke.

LESHELE 104:34

Iw kümsükutho Pa lau ikhikulupu shipelo, kughengu ni ye Ampeu lau alovi cheni.

LESHELE 19:10

Ameshoyi nguno alau, ameshoyi kütsüghü nguno alau tipaqou lunishi qhiyi kepue; akhingozü eno akhilha lono ijiqighi keu nguno alau akungoue.

EZEKEL 3:14

Aghungu no I peqheluve eno I sawuve, eno ni ye kukhukimji shive, Ampeu u no I shou akumto shi ikughive ke.

EZEKEL 2:10

Pa no tipau I zülo xükho tipau lo azüu ngo athiu yepuku püaghi, eno akumlo, amloghuju eno ahasapu tsa yepuku püaghie.

Piyeküsü 10:9

Ikehu I no kungumi lau wuno pa vilo liküküzü kaku aghulou hu I tsü penike khu. Pa no I vilo pi, “Luvelo, eno ti chulo; hi no o polo khumtsai nani ikemu o kichi loye akhingozü toi ngonyi nani.”

Piyeküsü 10:11

I vilo highi pi, “No ye itaghi ashiaye, shiye, atsa jeli eno kükami kutomo lau tungkuptsa pimasae.”