Piyeküsü 1:18 - Sumi Naga CL (Re-edited) Bible (BSI)

¹⁸ eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

BAIBEL (BSI)

¹⁸ eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Sümi Tiqhelimi Bible

¹⁸ Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 1:18 Referans Kwoze

Rommi 6:9

Ningu no ithi anino Khristo ye akithi lono xüputhuve akeke khilemu thi kithemae; akithi ye Pa qhasü lumoae.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

ISAIAH 22:22

I no David laghamiw khaqhiyi pesü pa kuo lo betsü nani. Pa no khaqhi kelo khunomu khavemla, eno khave kelo khunomu khaqhimla nani.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

MATTHEW 16:19

I no kungugha yekipe khaqhiyi o tsüni, eno ayeghi lo nono kiu kiumu lakhave keu ye kungugha lo ghi lakhaveni; ayeghi lo nono kiu kiumu kuqhove keu ye kungugha lo ghi kuqhoveni.”

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Piyeküsü 4:9

Kugho kughomu aküxüküa lhoxüqo no ajuküvü, agigihu eno shikimthi keu pesü Khuu kükalakhü lo iqa no pülhapuju eno alholo xüacheni keno, Pa tsü kelo,

IBRIMI 7:16

pa ye ayezah bekütha kiqi lono ajilo kiyighi chineu kumoe, ikemu kütsave mlakeu küxü küka vecheo achineu shilue.

2 Kor. 13:4

Kughengu Pa ye aphimpi loye miqemlei yedave, ikemu Alhou küka lono xüani. Ningu ghi Pa gholo miqemlei ke, ikemu nongu küdau ye Alhou küka vecheo ningu ye pa gholono xünani.

JOB 19:25

Ikemu I xachilekuluu ye xüani kepi I no ithi ani, eno ashekha lo Pa no ayeghi shou puthugho nanie.

Piyeküsü 9:1

Kungumi apunguu no pa fuko küigha kelo atsütsü lono ayepu lakhi ayeghi lo ikiqighi keu I no ithulu, tipau ye akuthoku lo ilo kepu lashew khaqhiyi tsü püake.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

Kolosiami 3:3

Kughengu nongu ye thivae, eno nongu küxü ye Khristo gholono Alhou lau küsüvae.

LESHELE 18:46

Ampeu ye xüani, I tuqu shipili lo, eno I xakulu Lhou sheqhelo.

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.

JOB 38:17

Akithi khagho pesü o piyeju, momu no ye aküzü kutho hukikha ithulu juvao?

MATTHEW 11:23

Eno no, Capernaum, no ye atsütsü kutolo o süqheni shi ani kea? No ye Kithigha lo sünhe piqive nani. Kughengu o lau akümzapu kümla shikeu no Sodom lau shipüaghi keaye, tipa phughi ye ishi kutolo puthugho aghini cheke.

Luke 24:5

Panongu ye ighono msave no agi pishiqhope ayeghi daluve, ikelo pama no pi, “Kushiye nongu ye kithimi gholo küxümi phu cheni kea?

John 11:25

Jisü no li vilo pi, “Ni ye Xüchilekulu eno aküxüpu ke, khunono I shou pülübeni keno, pa ye thive namu xüluve nani,

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 6:8

I no jukelo khurshi phalai keu lakhi aghi. Ti sakicheu je ye Akithi, eno Hades no pa papeche. Ayeghi lo küxümi tushoqü ye pama pelo aghükishi, püqümiye, asa-agha, eno tüghashiqo u lono pithive penike aküka tsüve.

Piyeküsü 10:6

eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 20:13

Azüghi lono thive kemi tilau azüghi no ikhiphe tsü, Akithi ngo Kithigha ghi tilau kithimi akeqo ikhiphe tsü, eno panongu lakhikhi no kiu mlapüa keno tipau kiqi lono küghathabe tsü.