Piyeküsü 1:11 - Sumi Naga CL (Re-edited) Bible (BSI)

¹¹ “Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

BAIBEL (BSI)

¹¹ “Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Sümi Tiqhelimi Bible

¹¹ eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:11 Referans Kwoze

Piyeküsü 3:1

“Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

HABAKUK 2:2

Eno Ampeu no I khochile: “Atulupha shou kungunhetsü mtsümishei yepuku lo, tishino philu kemi pelo pove pelo.

JEREMIYA 30:2

“Ampeu, Israel Lhou no ishi piani: I no o vilo pive keu tsa kümtsü kaku lakhi lo yelo.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 2:12

“Pergamum kukuhou lo kungumi lau yelo: ‘Khuu u lo putoputo züta kütsügha ani keno Pa tsape.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

ISAIAH 30:8

Itehi ye wulo, timiqo küa lono atupha eno kaku lo yepuku lo, tishianguno tino alholo thopi shi ighini keu tsala kutolo ache peni.

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

Piyeküsü 10:4

Eno kughou tsütsüküsü tsüni no igha keno, I no yeniye shikemu atsütsü lono asütsa lakhi no pikeu I no chilu, “Tsütsüküsü tsüni no kiu pive akeno mekhape qhivelo, eno tipau yepeqhi kevilo.”

Piyeküsü 1:19

Ikehu nono ithuluve keu, ithulu akeu eno hipa thiu shiniye akeu thime jeli kümtsü yelo.

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

1 Tim. 1:3

I no Macedonia lo wuche kelono o vilo Ephesus lo ngo aghilo pike, kughengu tishikeu vecheo o pelo timi khami no akülü kütau shika akeu lakha peniye,

ZAKINIU 31:19

“Tighenguno itehi ale hipau yelo eno Israelmi shika lo. Hi no I ghenguno Israelmi shou thopi shipenike panoqo shika lo.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:2

ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

1 Kor. 16:8

Ikemu ni ye Pentecost tsala kutolo Ephesus lo ngove nani,

1 Kor. 15:32

Ashi gholau no pini keloye, I no Ephesus lo tüghashiqo sasü kichighike ghenguno ni ye kiu ala shi ani kea? Kithimi xüputhu cheghimo aye, “Ningu chusho ani nolo, kughengu thoghiu ningu ye thiniae.”

Apostolmi 20:17

Miletus lono Paul no Ephesus kukuhou lo kichimiqo pa lau ighi penike ku puwu.

Apostolmi 18:24

Alexandriami Jewmi lakhi Apollos ipikeu, atsa pikithimi eno Kuchoyesü ithishe kemi, no Ephesus lo ighi.

Apostolmi 16:14

Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

Kolosiami 2:1

Nongu eno Laodicea lo küami ngo khunoqo I sasü kusholu mphi keno, ni ye nongu ghenguno ime mla akeu nongu pelo ithi penishi ani,

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.

Piyeküsü 2:24

Ikemu nongu kütami Thyatira lo akeqo thaqhü, khunono hipau kükütsü pape chemo, eno Satanw kuthoküzü kükütsü ikhilu mphi keno, I no nongu vilo piani, Ni ye kütau makho kiumu nongu xapipe amoe.

Piyeküsü 3:4

Tishimu no ye tilau Sardis lo timi aghuloshi khunono aphimini shikitiqe mphi keno khami aphie. Panoqo ye aküzüpu ke ghenguno aphimini kimiye pepusü I gholo cheche nani.

Piyeküsü 22:10

Itaghi pa no pi, “Kaku hipau lo tungkuptsa akeqo mekhape püa kevilo, kughengu ado ye punukhoivae.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”