NEHEMIA 9:24 - Sumi Naga CL (Re-edited) Bible (BSI)

²⁴ Ikehu panongu no ilo no ayeghi tipau leluve, eno Nono panongu zülono Canaan yeghi eno tipaqha lo kükami ngo ashiaye kümtsü pesü panongu u lo süvetsü eno panongu pelo pano ghoshi Canaanmi peitha peke.

BAIBEL (BSI)

²⁴ Panonguno Kanan yeghi leluve; nono tile aghikemiqo shou tokulu shike. Nono owu timiqo pelo Kanan lo akemi ngo kukami pesu kishi peithape nishi keno shilu penike akuka tsue.

NEHEMIA 9:24 Referans Kwoze

JOSHUA 21:43

Ikehu Ampeu no pano puasü zülo piqhi püake toi, ayeghi kümtsü pe Israelmi tsüve. Eno panongu no tipaqo pükhalu no tilau küghüna auve.

JOSHUA 18:1

Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

JOSHUA 11:23

Ampeu no Moses azah tsüke toi Joshua no ayeghi kümtsü leluve. Pa no ti kümtsü pesü Israelmi pelo amheghi shilu penike ashiaye kiqi lono kijeve tsü. Tishino tipa yeghi ye aghükishi lono akulho qhiluve.

2 Tim. 2:26

eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

JOSHUA 21:45

Ampeu no akivipu tsa piqhi keqo lakhimu tomla keu shimono kümtsü shikupu.

AKIKIHI 14:31

No tianuli hakho luvetsü nanie pi nongu no pi kemu I no panoqou sailo nani, eno panongu no akütsashi nongu no milive keu yeghi lo ngove nani.

XAKUTHAMI 4:23

Tipa tsalani no Alhou no Israelmi zülono Canaanmi kükau Jabin qhasüve.

JOSHUA 10:40

Ikehu Joshua no tipaqha kümtsü leluve; ato lo aphughiqo eno qhaike yeghi, naghuto pukhu qha eno akhila ngo tipaqha lo kükami kümtsü leluve. Pa no timi lakhimu qhimono, atuthu she akeqo thaqhü pithive; ti ye Ampeu Alhou no azah tsükeu kiqi lono ke.

JOSHUA 12:12

Eglon kükau, lakhi; Gezer kükau, lakhi;

JOSHUA 12:24

Tirzah kükau, lakhi; kükami kümtsü küqha kelo shighi lakhi.

ESTHER 9:5

Jewmi no azütakikihi pesü pano ghümi ghiqhi eno panongu kütsave, panongu no pano mithi akeqo lau pulo aketoi shive.