NEHEMIA 8:10 - Sumi Naga CL (Re-edited) Bible (BSI)

¹⁰ Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

BAIBEL (BSI)

¹⁰ Itehi nonguye akilo wo puzu aghulhu lakhi shilo. Nongu chuqu eno aji pe kuhakemi sasu kusajelo. Ishiye ni MPEU lau akimthe shikeu ke tighenguno amlo sakivilo. AMPEU no alokivi nongu tsukeu huno nongu shikumto tsu nani ke.”

NEHEMIA 8:10 Referans Kwoze

AHOLE 17:22

Aloqhaqhilei keu ye küsüvi kivi, ikemu anguagha thibui keu ye aghi-anhü pithive tsücheni.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ESTHER 9:19

Tighenguno Jewmi aphulomi, khunono aphu lo xü akeno, panongu ye Adar qhi atsala chighiabidiu loye alokivi eno aghulhu tsala shi ikhilu, eno lakhino lakhi lau achuqupu gho pesü tsükile keu tsala shilu.

2 Kor. 8:2

kughengu aghime kitikhi no peju kelo, panongu lokivi ye kije eno aqüagha no ihulo akeghi panow tsü-jekini yeliqole pephe piye ke.

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

YETSAPIU 3:13

itaghi kümtsü no chusho no pütüta kümlapu lo alokiqipu shimasae. Hi ye Alhou no timi tsükeu gho ke.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

FILIPIAMI 3:4

pini aye niu ye ashi lo thime shou pükhübelu kepughi ani thono. Khuana no pa ye ashi shou pükhübelu kepu anipi aye, niu ye alau ani:

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

Piyeküsü 11:10

eno ayeghi lo xüküami no pama ghenguno alovi ilhe no agho pesü tsükile nani, kughengu tungkupmi hi pama ye ayeghilomi kijiküpsau ke.

SAMUEL ATUGHIU 25:8

Ow timiqo vilo iniju lo, eno panongu no pi nani. Tighenguno Iw apumiqo lau kikimiye piye tsülo, kughengu ningu ye aghulhu ghuloki lono ighi ani. Kimiyeno o u lo kiu kiumu aghi keu pesü o qemi eno o nu David tsülo.’”

NEHEMIA 8:11

Ikehu Levimi no timiqo ghaküghüqü ghi pi, “Qümüive lo, kughengu atsala hi ye akimthe ke; amloiju kevilo.”

NEHEMIA 8:12

Timi kümtsü no alokivi kije lono chusho eno kütami sasü küsaje nike wokhave, kughengu kiu pi keno panongu no vethaluve ke.

ZEKHARIA 14:21

Jerusalem eno Judah lo ali kümtsü aqokitikhi Mpeu lau akimthe shi nani, tishianguno aghashi mlla kemi kümtsü no ighi no tipaqo lono ghiqhi mlla keu shi be-lho nani. Tipa ghuloki lo Aqokitikhi Mpeu kilo kilhikishimi kühave nani.

KUKAMI ATUGHIU 8:66

Atsala akütacheni Solomon no timiqo pütüta kilo puwove, eno panongu no akükau kümgha tsüno Ampeu no Pa qeu David ngo Paw timi Israelmi lau akivi kümla shikeu ghenguno shishe alokivi shi pütüta kilo wove.

YEKIKITHI ATUGHIU 16:27

Agigihu eno kükanguagha no Pa sühope ani; akumto eno alokivi no Pa kilo ani.

LESHELE 89:17

Kughengu No ye panoqo juküvü kumto ke; O kikimiye vecheo niw fulili küighani.

ISAIAH 49:5

Itehi Ampeu khuu no I no atita lo akelono Pa qeu shipeniye I lhoe, I pelo Pa lau Jacob saghipe, eno Israel pelo Pa lau hekütsü peniye shi keno— ni ye Ampeu nhethe lo agigihupu shi ani eno I Lhou no I kumto shive akehu— Pa no piani,