NEHEMIA 6:9 - Sumi Naga CL (Re-edited) Bible (BSI)

⁹ Panongu ye ni shikümsa niye ishi kümsü ae, “Panongu ye au süchile niae eno akümla kishekha lumoae.” Ikemu, O Alhou, itehi I shikumto tsülo.

BAIBEL (BSI)

⁹ Panonguno ni shikumsano ni kumla lakhaniye pukaputsa ke. Ino ishi inikhu, “Ikemu Alhou, itehi ishikumto tsulo!”

NEHEMIA 6:9 Referans Kwoze

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

IBRIMI 12:12

Tighenguno, nongu u thizümüi keu peqhelo eno nongu khonhe miqemlei keu shikumto lulo,

FILIPIAMI 4:13

Khristo no I shikumto keu vecheo ni ye thokha shilu nani.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.

Ephesiami 6:10

Ashekhashi, Ampeu küka kumto lono mtotoi shilo.

JEREMIYA 38:4

Tileno Hiyampemi no akükau vilo pi, “Timi hipau ye pithive kepue, kughengu pa no atsa hipaqo panongu lau pikeu lono mishighüna hipau lo ghüshimi akeqo shikimqeve ani eno timiqo ghüthi püsüve tsü ani. Kughengu pa ye timiqo kivipu kumono pano ghüzapu phu anie.”

YEKIKITHI AKINIU 15:7

Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

LESHELE 71:1

O Ampeu, I no O lau sükusho lucheni; khilemu akukujo lo I phesüve kevilo!

LESHELE 56:3

Kughou I no msave keno, I no O shou I küpkhü qhike.

NEHEMIA 6:14

O I Lhou, Tobiah ngo Sanballat pama no hitoi shike ghenguno pama kümsülu lo, eno tungkupliu Noadiah ngo tungkupmi khunoqo I shikümsa niye shikeno panongu ghi kümsülu lo.

LESHELE 68:35

Alhou ye Pa kimthe-a lo akichiqhipue; Israel Lhou, aküka eno akumto tsükeu huye Pa ke. Alhou shelo!

YEKIKITHI AKINIU 32:18

Panongu no Judah tsauno aliwo lo akeqo shikümsa no thüghüive peniye eno mishighüna leluve niye ighamku ke.

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

EZRA 1:6

Eno panongu phivilo xüakemi no kümsa no tsükeu nguno alau itaghi ghükayi, ameshoyi, tinhemgha, lhoxü, eno amekusho nhemgha pesü kuphutsü.

EZEKEL 30:24

I no Babylon kükau umlo shikumtove tsü nani eno I zütakikihi pa u lo sütsü nani, ikemu I no Pharaoh umlo ye hechheve tsü nani, eno pa ye timi lakhi no akithipu ghüzaku xapu aketoi Babylon kükau zülo aküsü ghügha igha nani.

ISAIAH 40:29

Pa no aküka pesü kulhokughomi tsü cheni, eno akumto küha kemi küka kughukotsü cheni.