NEHEMIA 6:12 - Sumi Naga CL (Re-edited) Bible (BSI)

¹² Alhou ye Shemaiah puwu püamoe pi I no vethaluve, eno pa no I lau tungkuptsa pikeu ye Tobiah ngo Sanballat pama no piqe kepi phulu.

BAIBEL (BSI)

¹² Ino tipau kumsu kideju kelo Alhou ye Shemaia putsamo kepu phulue ikemu Tobia ngo Sanbalat pamano hipau ikutughutsu peniye kulugho pa tsuve kepi phulu.

NEHEMIA 6:12 Referans Kwoze

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

Piyeküsü 18:13

yeghüthi, tsüngqüikeu mukhu, müsüghüta, axokütsüngü zü, aji, thazü, ashomkhu, ashothi, atsüaqu ngo ambe, khurshi ngo khurkulu, eno aqüaxemi, ti ye küxümi pesü kimje keu piani. Lhidimi no highi pi,

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Kor. 12:10

Lakhi lau akümzapu kümla shikulupu tsü püani, lakhi lau tungkuptsa pikulupu, lakhi lau aghungu jeli kimchi kütüta shikulupu, lakhi lau amilikithe tsa jeli pikulupu, lakhiu lau amilikithe tsa pekide kulupu tsü püani.

1 Kor. 2:15

Aghungulo timi no thokha kümtsü kiqikutoju cheni, ikemu khunomu pa shou küghathabe chemoe.

Apostolmi 20:33

Ni ye khuuw ameshoyi, ghükayi, aphimini mu mine püamoe.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

EZEKEL 13:7

I no pimo keghi nongu no, ‘Ampeu no asheshuvae,’ pikeu ye nongu ye kichile kungunhetsü ithulu eno pishikiqhi chine pi anike kumo keshea?”

JEREMIYA 28:15

Tungkupu Jeremiah no Hananiah vilo pi, “Inilo Hananiah, Ampeu ye o puwu püamoe, ikemu nono timi hipaqo pelo akimki tsa shou pükhübe peke.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

NEHEMIA 6:11

Ikemu I no pi, “I toi kemi ghi pokave masa keshea? Eno I toi kemi no aküxü xaluni ke achineki alou ilo masa keshea? Ni ye ilomoe.”

NEHEMIA 6:13

Shemaiah piqe keu ye I shikümsa no I pelo axine shivepe, eno I je shipüsave tsüno I shipütha niye ke.