NEHEMIA 2:6 - Sumi Naga CL (Re-edited) Bible (BSI)

⁶ Akükau no I vilo pi (kükaliu ghi pa phivilo iqa ae), “No ye ado khitohi ghenguno wuve nani eno kughono ideighi nani kea?” Kughou I no kihiküthado pa tsüve keno, akükau no pulove tsü.

BAIBEL (BSI)

⁶ Akukatou gholo akukaliu ghi ngo ake, ino qhuiniju keu hu ikhiluvetsu. Niye ado khitohi luve nani, kughono ide ighilu nani keno ivilo iniju eno ino pa vilo pive.

NEHEMIA 2:6 Referans Kwoze

NEHEMIA 13:6

Tishi akelo ni ye Jerusalem lo kühae, kughengu Babylon kükau Artaxerxes yepe mpe shighi akiniu lo ni ye pa lau wuveke. Ado hami thiu I no akükau vilo azah khuve no

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

NEHEMIA 5:14

Judah yeghi lo I pesü ampe chighikini angh shi kelo, ti ye akükau Artaxerxes yepe mpe amkuu lono shighi akiniu kutolo, ni eno I thiküzümi khumu angh no ithulu küzüpu shi akeu chuqupu chumoe.

ISAIAH 58:12

Mulho lono now kütsapinyive keu phughiqo ye shiqhe kithe nani; eno wovekeu tiqheli boqha ye itaghi shiqhe kitheve nani; nongu ye aliwo shikithe kemi, alaghila shikithe kemi kepi ku nani.

NEHEMIA 2:4

Akükau no pi, “No ye kiu qhüiniju ani kea?” Tileno I no kungugha Lhou vilo inikhu.

ISAIAH 61:4

Panongu no khaghi lono ixapinyive keu shiqhekithe nani; wovekeu ghuloki lono kütsakungove keu shiqhekithe nani; panongu no khaghilo mishighüna ixapinyive keqo shiqhekithe nani; Tipaqo ye tiqheli kutomo züuno kütsakungove keqo ke.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

NEHEMIA 2:5

Eno I no akükau vilo pi, “Akükau no Judah lau amloqilu aye eno o qeu no o mlo chulu aghi aye, I puasüqo kumo kuqho phughi, Judah lo I puwu no I pelo shiqhe kithelu pelo.”

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.