NEHEMIA 13:23 - Sumi Naga CL (Re-edited) Bible (BSI)

²³ Tipa ghuloki lo Judahmi kutomo no Ashdod, Ammon, eno Moab limiqo sasü külave keu ghi I no ithulu.

BAIBEL (BSI)

²³ Tipa ghulokilo Judami kutomono Ashdod, Amun eno Muab limiqo sasu kulakupu shiva pikeu ghi ino phuluve.

NEHEMIA 13:23 Referans Kwoze

NEHEMIA 10:30

Ningu ye ni yeghi lo ashiayeqo lau ningaqo küla puwumo momu panow ilimi pesü ni nuli nipu shipemoe.

EZRA 10:10

Eno achineu Ezra no puthughove no panoqo vilo pi, “Nongu ye aküpülü hexave no inaghalimi sasü kiye shivae, eno tino Israel kipimi kighishevae.

2 Kor. 6:14

Pülümokemi sasü kuokhasü pukümtsa kevilo. Kughengu amikucho ye kiu lono ayezah heküxa sasü kütünalu nani kea? Momu aküvü ye kiu lono aküzü sasü kuposhulu nani kea?

NEHEMIA 13:1

Tipani panongu no Moses kaku lono timi kümtsü zülo phisü. Tile Ammonmi ngo Moabmi ye khilemu Alhouw kuküsü hoho lo iloghi pemo nike yepüaghi keu ithulue.

EZRA 10:44

Hipaqo kümtsü inaghalimi sasü akibo shive, eno totimi khami ye atianuli ghi punuve.

NEHEMIA 4:7

Ikemu kughou Sanballat, Tobiah, Arabmi ngo Ammonmi eno Ashdodmi no ningu no Jerusalem kupuwu kümla lo ajuiche akeu, eno akupuwu hephove keqo mekhave akeu chilu keno, panongu no ighono amlo ideve.

SAMUEL ATUGHIU 5:1

Kughou Philistiami no Alhouw Puloshoqhi Bohu süxaluve keno panongu no tipau pesü Ebenezer lono Ashdod lo ighi.

IPEKULU 34:11

“I no ishi azah nongu tsükeu pape lulo. Julo, I no nongu zülono Amorimi, Canaanmi, Hittimi, Perizimi, Hivimi eno Jebusimi hapheve nani.

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

KUKAMI ATUGHIU 11:1

Solomon no inalimi kutomo kimiyeche. Pharaoh nga gholono pa no Moabmi, Ammonmi, Edommi, Sidonmi eno Hittimi totimi lue,

NEHEMIA 13:24

Eno pano tianuliqo tüxa ye Ashdodmi tsa piuve eno Judah tsa ye pimla, ikemu pütüta tsa likhi pi aghi.

NEHEMIA 13:27

Tishiaye ningu ye nongu tsa pape no axine hi kümtsü shini keshea, eno inalimi sasü külakupu shikeu vecheo ni Lhou pishiqhini keshea?”

RUTH 1:4

Pama ye Moab limi luve; lakhi nipu je no Orpah eno lakhiu nipu je no Ruth. Panongu ye tilau ampe chighi qhalo ngove,

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.