NEHEMIA 13:15 - Sumi Naga CL (Re-edited) Bible (BSI)

¹⁵ Tipa ghuloki lo Judah lo timiqo no Sabbath tsala lo atsaithi lono atsaizü qophe aghikeu I no ithulu, eno athi amoqhepe qhikeqo ngo atsaizü, atsaithi, mubuthi, eno kütau thimeqo panow khurha pipe no Sabbath tsalani no Jerusalem lo pewu cheghi. Ikehu I no Sabbath tsala loye kiumu jemla kepi lakhave.

BAIBEL (BSI)

¹⁵ Tipa ghulokilo Juda lo timiqono Sabat pinye tsalalo atsaithi lono atsaizu qophe aghikeu ino ithulu. Kutami khamino athi, aji, atsaithi, khughuthi eno kutau thimeqo pano wu gadaha shou pipeno Jerusalem alou pewu cheghi; panongu ye Sabat tsalaloye kiumu jemla kepi ino panoqo lakhave.

NEHEMIA 13:15 Referans Kwoze

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 13:21

Ikemu I no panoqo kütüghü no pi, “Nongu ye kushiye akupuwu khalau züani kea? Tsala nongu no itaghi hitoi shi aye, I u nongu shou ikughi niae.” Tinguno tilauye Sabbath tsalani ye panongu ghi ighi move.

IPEKULU 34:21

“Atsala tsügho nongu no mlalo, ikemu atsala akütsüniu ye ghisho momu ghile dolo shi aghi namu nongu ye akulho qhini.

ISAIAH 58:13

“Tsala nongu no Sabbath tsala lo nongu pukhu süchile aye, eno I kimthe tsala lo nongu shi pulou shinikeu lono süchile eno Sabbath tsala ye azüküvüpu tsala kepi aye, eno Ampeuw akimthe tsala ye gihuküzüpu kepi aye; tsala nongu no pulou laghi zümono, momu akümla shimo eno adou tsa küghamo no atsala tipau ikhilu aye,

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 17:24

“‘Ikemu, Ampeu no asheshu, nongu no I tsa ini, Sabbath tsalani nongu kho xapusü mishighüna khagho veche wumo, eno Sabbath tsala akimthe shi qhino tipa tsalani akümla shimo aye,

ZAKINIU 8:19

Tsala nongu no Ampeu nongu Lhou pheve no kütami lhouqo pape eno huthu mllauve aye, ishi tsala lono I no nongu lau mtütüi pive anike nongu ye pühave nani.

IPEKULU 35:2

Akümla ye atsala tsügho dolono mlani, ikemu atsala akütsüniu lo nongu ye iqüghai akulhoqhi keu Sabbath, Ampeu lau akimthe shini. Khukhumu tipau tsala lo kiukiu kümla mu shi aye pithiveni.

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Galatiami 5:3

Itaghi I no thopi shikithe anike timi khuu no aphighüyiko kügha ikhiluni keno pa ye ayezah kümtsü pelu masae.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

MICAH 6:3

“O Iw timiqo, Ni ye nongu lau kiu shive kea? Ni ye kishi nongu züpüzüve kea? I khochile lo!

JEREMIYA 42:19

O Judah lo ghükulumi, Ampeu no nongu vilo pivae, ‘Egypt lo wu kevilo.’ Ishi tsala lono I no mtsüqheino nongu kütüve ake

LESHELE 50:7

“O Iw timiqo, I no pinike inilo; O Israel, I no o shou thopi shini. Ni ye Alhou, o Lhou ke.

YEKIKITHI AKINIU 24:19

Ikeghi Pa no tungkupmi puwu no Pa lau ideighi penike kütüghü. Hipaqo no panongu lau ashepe shi kemu panongu no ini tsümoe.

NEHEMIA 13:16

Tyremi aphughi lo xüküami ghi akha ngo tinhemgha jeli pesü ighi no Sabbath tsalani no Judahmi lau je cheghi eno Jerusalem lou ghi je aghive!

AHOLE 28:4

Ayezah pemono qhive kemi no kixikilami sheqhe cheni, ikemu ayezah peche kemi ye kixikilami mjochile cheni.

AMUS 8:5

“Nino athi jeluni ke kughou no aqhi kithe wove nani kea? Kughou no Sabbath wove nani kea? Tishianguno nino ashothi jelu, ahu kimghipu aghulo shive tsüno shekel no kutomo shivetsü eno ahu kichileu pesü pishiqhini ke,

IPEKULU 31:12

Ampeu no Moses vilo pi,

IPEKULU 31:16

Tighenguno Israelmi kümtsü no Sabbath ikhiluni, alholo puloshoqhi shi tiqheli kupuju lo Sabbath ikhiluni.

NEHEMIA 10:32

“Ampe atsütsü lo ningu lakhikhi no ghükayi gram pungu achineki vehupu ghenguno tsüni:

JOB 39:12

Pa ye o sala athi ghokütsü pe aniqa lo qhitsülu nanie pi no ye pa lau aküpülü ani keshea?