NEHEMIA 10:29 - Sumi Naga CL (Re-edited) Bible (BSI)

²⁹ kümtsü no pano thiküzümi, sakiphemi gholo küqhano müsüini keu shoqhi shike, ti ye Alhou Yezah khikhi Alhou qeu Moses vecheo tsü keno tipau kiqi lono chewuni kehu, eno Ampeu ni Mpeu zakütsü ngo akhuaye kümtsü papeni kehue.

BAIBEL (BSI)

²⁹ ni sakiphemiqo gholo tushoqhi ani, nino Alhou no pa qeu Muse vechewo tsukeu Yezah kiqi lono xuni, nino AMPEU niLhou no ahza tsukeu kumtsu aghokulu shini eno ninguno pano shilo pikeu eno ayezah kumtsu shini, ninguno hipau hephove aye angsu lakhi apeni.

NEHEMIA 10:29 Referans Kwoze

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

John 15:14

I no kiu azah tsü keno nongu no pape aye, nongu ye I küsami ke.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

Apostolmi 23:21

Ikemu panongu pelo o züluvepe kevilo, kughengu timi lhobidi shou no Paul pithive moke kutolo chushomo nikeu ashoqhi shive no itshüpe pa khe ani. Itehi panongu ye kutope ow puloza khe ani.”

Apostolmi 17:34

Ikemu timi khami no pa gholo ighi eno pülü luve, tipaqo gholo Areopagus hohomi Dionysius ngo Damaris ipi kemi totimi lakhi eno kütami khami ishie.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

John 7:19

Moses no Ayezah nongu tsüke kumo? Ikeghi nongu khumu Ayezah pemlae. Nongu ye kushiye I pithiveni ke phu ani kea?”

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

MALAKI 4:4

“I qeu Moses Yezah, xaküthaza eno akhuayeqo I no Horeb lono Israelmi kümtsü lau tsükeu kümsülu lo.

JEREMIYA 26:4

Panongu vilo pilo, ‘Ampeu no ishi piani: Nongu no I tsa inimo, I no nongu zülo ayezah qhitsü keu papemo aye,

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

LESHELE 105:45

tishianguno panongu pelo Pa zakütsüqo qhilu eno Pa yezah pape peniye ke. Ampeu sheqhelo!

LESHELE 8:9

O Ampeu, ni Lhou, O je ye ayeghi kümtsü lo kiutoi akughushu kela!

LESHELE 8:1

O Ampeu, ni Lhou, ayeghi kümtsü lo O je ye kiutoi akughushu kela! Nono atsütsü shou O juküvü qhawoe.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

YEKIKITHI AKINIU 6:16

Tighenguno itehi, O Israel Lhou, Nono O qeu I pu David lau hitoi piqhi püakeu shikupu tsülo, ‘Nono I zülo cheche ketoi o nuliqo no tsaqütsalei xü, eno I yezah pelu aye, no ye Israel kükalakhü lo iqani keu timi püqümo nani.’

KUKAMI AKINIU 10:31

Ikemu Jehu ye tsaqütsalei Ampeu, Israel Lhou yezah lono checheni keu shimove. Pa ye Jeroboam xine khikhi no Israel pelo axine shivepe keno, tipau lono tsüghü move.

ZAKINIU 33:4

Moses no Jacob laghami pelo amheghi shi peche peniye Ayezah ningu tsüke.

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

AKIKIHI 5:21

(achineu huno atotiu pelo angusü shoqhi shipelo, eno li vilo pilo) ‘Ampeu no o lhoa sükütsüve tsüno o phimpi shikughunguve tsü peni, eno ow timi gholo angusüu shipeni.

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

JEREMIYA 34:15

Nongu no anileshi xaide ighi no I nhethi lo kiu no achipi keno mlae, pütüta kisüghümi lau kuqhokiphe sheshu, eno I je lono ku keu ki lono I zülo puloshoqhi shike,

ACHINE 20:26

Nongu ye I lau akimthe shini, kughengu Ni Ampeu ye akimthe ke, Iw shiniye I no ashiayeqo launo nongu kishe kütüta shike.

YEKIKITHI ATUGHIU 9:2

Tithiu panongu dolo atüghüu shi idewo pano yeghi lo ngolu keu ye Israel lo küami, achinemi, Levimi, achineki lo hukuthumi ke.

NEHEMIA 7:46

Achineki qemi: Ziha nuli, Hasupha nuli, Tabbaoth nuli,

NEHEMIA 8:2

Tighenguno aqhi akütsüniu atsala atüghüni achineu Ezra no Ayezah pesü kiptimi, totimi eno chilu no vethaluni kemi mishi zülo ighi.

NEHEMIA 8:3

Pa no Azü Khagho zülo puthughope kobidi küdau juno inaqhe no puchomghü kutolo kiptimi, totimi eno vethakulumi kümtsü lau phisü. Eno timi kümtsü no akini kughope tsaqüi Ayezah Kaku inie.

NEHEMIA 9:2

Panongu kümtsü no inaghami launo kütüta shive no puthughope pano xine ngo apuasüqo xine piphe.