NEHEMIA 1:3 - Sumi Naga CL (Re-edited) Bible (BSI)

³ Panongu no I vilo pi, “Hakiphi sawuve keu lono xülu no aghakhu lo ideighi keqo ye shishe aghime eno akukujopu shi ani. Jerusalem kupuwu ye kütsavae eno paw khaghoqo ye ami no pitivae.”

BAIBEL (BSI)

³ Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

NEHEMIA 1:3 Referans Kwoze

NEHEMIA 2:17

Tile I no panoqo vilo pi, “Ningu ye kiu veküsa lo ani keno julo, Jerusalem ye ixapinyi ani eno tipau khaghoqo ye pitileve no ani. Ighilo, ningu akupuwu shiqheni, tishianguno ningu kukujopu ye tave nani.”

KUKAMI AKINIU 25:10

Chaldea ghüshimi khunoqo kepten gholo chekeno, panongu no Jerusalem liwo kümtsü kuboleve tsü.

NEHEMIA 7:6

Timi hipaqo no Babylon kükau Nebuchadnezzar no akughumi shi küghape wuve keu lono ideighi. Kümtsü no pütüta phughi, Jerusalem eno Judah lo ideighi.

NEHEMIA 2:13

I no aphughi qhive no Akhila Khagho vechesü Dragon Züpuki lono Xine-xigha Khagho lo wuno aphughi kupuwu ipopinyive keqo eno ami no pitive keu khaghoqo xujue.

NEHEMIA 2:3

I no akükau vilo pi, “Akükau pelo axüshu peniu! Ni ye kishino I puasüqo kumo kuqho phughi ixapinyi ani eno tipa khaghoqo pitileve apüzü amlo samono ngo luni kea?”

EZRA 5:8

Ningu ye Judah phughi lo, Alhou akijeu kilo wue pi akükau pelo ithi penishi ani. Ti ye atuqu kuloghiqo pesü mla ani, eno asüpa pesü aliwo lo sü ani. Akümla hipau ye panoqo u lono tsaqütsalei mla ani.

AKUMLO 5:1

O Ampeu, ni shou kiu ikughi keno kümsülulo, julo, ni kukujopu ithulu tsülo!

AKUMLO 3:61

“Panow thokügha eno I shou küsüqe akeu kümtsü Nono chiluvae, O Ampeu.

AKUMLO 1:7

Aghime eno kupokiche ghuloki lono Jerusalem no khaghi liw shiche keu akughupu thime jeli kümtsü kümsüchilelu anie. Kughou liw timi no aghümi u lo ilove no li kukuphumi kühave keno, li ghümiqo no alokivi shi li cheqhi; panongu no li vekiqhi thaighae.

JEREMIYA 52:14

Chaldea ghüshimi khunoqo kepten gholo chekeno, panongu no Jerusalem liwo kümtsü hephove tsü.

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 39:8

Chaldeami no akükau ki eno timiqo ki pitive tsü, eno Jerusalem tupikiye ghi hepholeve tsü.

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 5:10

“Li tsaibo ajoshi akeu lo wuno kütsaleve lo, ikemu kishekhave tsü kevilo; li lokaqo kixive lo, kughengu panongu ye AMPEUw kumoe.

ISAIAH 43:28

Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

ISAIAH 5:5

Ikehu I tsailu pesü kiu shini keno I no pini. I no tipau ghutu eno akuptu hexave no ikhiveni, eno tüghashi no mzachuve no nedaqoda pinyive peni.

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

ESTHER 1:1

Ahasuerus ghuloki lo, Ahasuerus khuu India lono Ethiopia kutolo aghakhu 127 shou kache keno,

NEHEMIA 11:3

Atokujo lo atomi hipaqo no Jerusalem xüsüve; ikemu Judah mishiphu lo küghünave keqo ye pütüta mheghi lo xüsüve: Israelmi, achinemi, Levimi, achineki lo aqemi eno Solomon qemi polo kughukomi.

EZRA 2:1

Aphughi lo timi khunoqo Babylon kükau Nebuchadnezzar no haphe sawuve keu lono iqhoghi keno, tipaqo ye hike. Panoqo ye Jerusalem eno Judah lo idechile ighive, kümtsü no pütüta mishiphu lo wuve.

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

AHOLE 25:28

Alikhi aghasümla kemi ye aliwo hepho ilo aphughi leluveke toike.

AKUMLO 2:9

Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

YEKIKITHI AKINIU 36:19

Panongu no Alhou ki pitive tsü, Jerusalem liwo hepholeve tsü, kükaki ngo akughupu bohu kümtsü pitive tsü.