NAHUM 3:3 - Sumi Naga CL (Re-edited) Bible (BSI)

³ Khurshimi no kite, azütakikihi eno angu no kulo phaphashi, ghiqhive kemi no aqokitikhi jehi, akumo no amoqhe, akithi kumo no ashekha kühae— timiqo no akumo küpxalu!

BAIBEL (BSI)

³ Khurshi shou kichemino hakutsutsu azutakihi eno angu phuphuyi kulo! Timi kumzapu pithikileve, akithi kumono kishe kishe iku, akithi kumo kihikhamla, timino tipaqo shou kupuxa iku!

NAHUM 3:3 Referans Kwoze

HABAKUK 3:11

O piji eno O ngu no phuphushi yeighi kelo khetsünhe ngo aqhi no panoqo-a lo itha mono ngove.

EZEKEL 39:4

No eno ow aqokitikhi ngo timi khunoqo o gholo ani keno kümtsü Israel naghutoqo lono ikiqive nani. I no nongu pesü aghau jeli kümtsü lojive nani eno aluza lo tüghashiqo pelo tsüqhivepe nani.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 34:3

Panoqo sükumo ye peve no tino muthu münashui nani; panoqo ji no naghuto lono qowu nani.

NAHUM 2:4

Khurkuluqo no alaghi lo mqhumza kuhapo, alapaqo lo mtazü pohu powo; tipaqo ye akuluqhe toi iqü; tsütsüpha toi mthüthei ke.

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

BOTHUBO 3:24

Pa no Timi hu hapheve, eno aküxüpu sübo laghi khekuto penike Pa no cherubim eno amiküiqü zütakikihi pesü Eden ghutu kipelau qhive.

ACHINE 26:37

Khunomu hachemo keghi azütakikihi zülo poche keshi lakhino lakhi shou küpxa nani. Nongu ye aghümi puqhelu kepu küha nani.

ISAIAH 66:16

Kughengu Ami ngo azütakikihi vecheo, Pa no timi kümtsü shou küghathabe nani, eno Ampeu no kutomo pithive nani.”