NAHUM 3:13 - Sumi Naga CL (Re-edited) Bible (BSI)

¹³ Julo, ow ghüshimiqo ye topumiqo toike. O yeghi lo khaghoqo ye o ghümi lau khaqhi püani; ami no o khaduqo pitive tsüae.

BAIBEL (BSI)

¹³ Nowu ghushimiye totimi toike eno noghakhuye noghumi zulo sushokulupu kuhake. No liwo kikha khaduye amino pitileve nani.

NAHUM 3:13 Referans Kwoze

JEREMIYA 51:30

Babylon ghüshimi ye aghü shimono ngovae; panongu ye pano liwo lo ani; pano küka ye hauvae; panongu ye totimi ilhouvae; pano phughi ye ami no piti ani; pano khaduqo ye kubolevae.

ISAIAH 19:16

Tipa ghuloki lo Egyptmi ye pano sükuchoqhi keu aqokitikhi MPEU zülo totimi toi akümsa lono khokhoshi nani.

NAHUM 2:6

Aghoki khaghoqo khaqhivae; kükaki ye pitikümlavae;

JEREMIYA 50:37

Khurshi ngo khurkuluqo, eno inaghami ghüshimi li gholo akeqo shou azütakikihi puku nani, eno panongu ye totimi toive nani!

LESHELE 147:13

Kughengu Pa no Ow khagho khaduqo shikumto tsüke; Pa no o kibo lo o nuliqo kümgha tsüe.

LESHELE 107:16

Kughengu Pa no alazayi hukikhaqo kubove tsü, eno ayi khadu hephove tsüe.

JEREMIYA 50:36

Tumumi shou azütakikihi puku nani, eno panongu ye küghüzümi shive nani! ghüshimi shou azütakikihi puku nani, eno panongu kütsave nani!

NAHUM 3:15

Tilauno ami no o pitiqhive nani; azütakikihi no o micheve nani. Tino tülhaqu toi o munove nani. Tülhaqu toi eno atikha toi nongu likhi nongu kughuko lo!

Obadiah 1:9

Eno ow akumtomi ye aghüthi süve nani, O Teman, tishino Esau Naghuto lo timi kümtsü ghiqhi khave nani.

NAHUM 2:7

tile alojiliu ye aphikümsa shive no xapu wuvae, li qelimi no mloqa ani, miqhedu toi mlo ani eno pano mla kukhu ani.