NAHUM 1:12 - Sumi Naga CL (Re-edited) Bible (BSI)

¹² Ikehu Ampeu no pi ani, “Panongu no kutomo eno aküka kumtoshi aghi namu, panoqo yeqhive eno pühave nani. I no o ghimeve aghi namu, Ni ye o ghime kithemae.

BAIBEL (BSI)

¹² AMPEU no pawu timi Israilmi vilo hipau pike: “Asiriyamino mutotoi eno kumzapushi anamu panonguye kutsaleve nani eno hauve nani. Iwu timiqo, ino nongu ghimeqhike ikemu niye itaghi tipau shikithemo nani.

NAHUM 1:12 Referans Kwoze

JOYIL 2:19

Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

Piyeküsü 7:16

Panongu ye müzüthi, tüghüthi keu mu shimoae, khetsünhe momu kiu külü nomu panongu phuqhi lumoae.

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

DANIEL 11:10

“Pa nuliqo no aghü küpüghü nani eno ghüshimi aqokitikhi lakhi hekütsü kumqo nani, tipaqo no qole-qole ighi nani, eno paw sükusho-a kutolo itaghi aghü shisü ighi nani.

ISAIAH 51:22

Ampeu o Lhou, Paw timi ghenguno qhüiniju chekeu no ishi piani, “Julo, I no o u lono Pa no izüvuive chekeu jukhu ikhiluvae; no ye I loghu chithakhu lo shokithe moae;

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 31:8

“Eno Assyria ye timiw kumokeu zütakikihi lono ikiqi thive nani; ghüshimi no aghü zülono pove nani, lhothemi ye aqüaxe lo süve nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 17:14

Julo, avelau ye shithüghüi anie! Ikemu tsükutho züuno panoqo ye kühavae! Hino ni pükaqhi no xulepuwuve tsükemi saje ke.

ISAIAH 8:8

eno Judah qha kümtsü qoiloghi no akuo kutolo yimi ikughive nani, pa chishibo sükhope nongu yeghi kümtsü qhawo nani, O Immanuel.”

ISAIAH 7:20

Tipani Ampeu no Aghoki kukuu Assyria kükau gholono piqe saghikeu pelo aqe pesü akütsüsa, apukhumhi, eno akichimhi kümtsü miyeleve tsüpe nani.

KUKAMI AKINIU 19:37

Pa no pa lhou Nisrokh kilo mlla akelono pa nu Adrammelech ngo Sharezer pama no azütakikihi pesü pa ghiqhive eno Ararat yeghi lo pove. Eno pa nu Esarhaddon no pa thisü luve.

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

IPEKULU 12:12

Kughengu tipaji I no Egypt yeghi heche wunani, eno Egypt yeghi lo timi eno lhoxü anoghiu kümtsü I no ghiqhive nani; eno Egyptmi lhouqo kümtsü shou I no küghakütha benani: Ni ye Ampeu ke.

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.