MICAH 7:1 - Sumi Naga CL (Re-edited) Bible (BSI)

¹ Ahaküsapu ye ni ke, kughengu ni ye mütsü tusho xathi xokütsüve kethiu toi, atsaithi kixipheve kethiu toi: atsaipho chukepu kühavae, I ngulho no puloniqhiyi chekeu mubuthi amsüu kühavae.

BAIBEL (BSI)

¹ Niye ahakusapuke! Niye muzuthi kemi lakhino asubolo axathi kuhave aghikeu eno atsayibolo atsayithi kuhave aghikeu sholu akeu toike. Atsayithi kumtsu eno khughuthi chukivi kumtsu xoluve aghikeu sholu akeshike.

MICAH 7:1 Referans Kwoze

HOSIYA 9:10

Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.

ISAIAH 28:4

aghüma khila kütsü lo ighüive keu jukighilepu xamunu huye, tsüka tsala züuno amsüu shi nive keu mubuthi toive nani: kughou milakhi no ti ithulu keno pa u lo iloghi khavino chuve.

ISAIAH 24:13

Ghilekuhu thiu olivebo momu atsaibo lo amshu akeu xoniye sükiniqhi akeshi ayeghi lo shiye kümtsü lau hitoi shinani.

ISAIAH 17:6

Israel lo aghibo hami likhive nani, ti ye kughou olive bo lo axathi xoni keno kunguu ake lo kinia küthüa, eno aloka lo bidia pungua likhive ketoi nani, ipi Israel Lhou Ampeu no shuphe ani.

JEREMIYA 45:3

Nono pike, ‘Ni ye ahaküsapue! Kughengu Ampeu no Iw shiluküsa lo aghime süküphave tsüae. Ni ye aghime ghügha no lhovae eno akulhoqhi mlavae.’

JEREMIYA 15:10

I za I punuu, I hasapue, aghakhu kuchopu lo mtomshu eno kütsala chekeu timi! Ni ye püna püamo, momu nalu püamoe, tishimu kümtsü no I ghusho ani.

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

ISAIAH 24:16

Ayeghi shekhau no Amikuchou lau agigihupu eno shekiqhe le phekeu nino chilu ani. Ikemu I no pi, “Ni ye kimghoi eno miqemleivae, I hasapuae! Thekuchumi no thechuvae, pano mqümgha no timi mlaqhivae.”

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

LESHELE 120:5

I no Meshech lo itsü kupokiche shiche keu eno Kedar phiki lo küghüna chekeu no I ghenguno ahasapue!

JEREMIYA 24:2

Ashoghi lakhi loye xo tüghüu mubuthi toi, ighono akivi, ashoghi akiniu loye ighono alhoksa mubuthi, alomo mithe kehu chukulupu shimoe.

AKIKIHI 18:13

Ayeghi lo axathi pithi tüghüu Ampeu lau süghi keu kümtsü nongu saje shi nani. O lagha lo achineye lo mithe aghi kemi no chuni.

AHOLE 20:6

Timi kutomo no iqemokeu kikimiye anie picheni, ikemu khuu no pükhükulupu timi phulu nani kea?

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.