MICAH 4:10 - Sumi Naga CL (Re-edited) Bible (BSI)

¹⁰ O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

BAIBEL (BSI)

¹⁰ Jerusalem lo akemiqo, totimi lakhino pununiye akelo toi pidepukhu ihi puzu ighalo, kughengu nonguye aphughi qhive no aluzalo auniake. Nonguye Babilon lo wukepu shinia ikemu AMPEU no aghumi launo nongu xalu nani.

MICAH 4:10 Referans Kwoze

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

HOSIYA 13:13

Apunu küsü pa lau ighivae, ikemu pa ye alotsümo keu nu, kughengu ado tove keghi pa ye atita lo ikipe la lo ighimoe.

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

KUKAMI AKINIU 20:18

Eno O nuli khami ghi sasü wuve nani, eno panongu ye Babylon kükau kükaki lo shoko shiuvepe nani.”

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

JEREMIYA 15:21

I no kixikilami u lono no xaphelu nani, eno ayiküsami u lono o xachilelu nani.”

LESHELE 106:10

Tihutoi Pa no aghümi u lono panoqo xaluve, eno aghümi küka lono panoqo qhüchile luve.

YEKIKITHI AKINIU 36:20

Khunoqo azütakikihi lono pokalu keno, tipaqo kümtsü pa no hakiphi sawuve, eno Persia kükaqha ipeghi moke kutolo panongu pesü pa ngo pa nuli qemi shivepe.

YEKIKITHI AKINIU 33:11

Tighenguno Ampeu no Assyria ghüshimi shou zatsümi pelo Judah levepe eno akuhoyi pesü Manasseh fuluve no alazayi kichhe no pa tshüpe Babylon lo wuvepe.

KUKAMI AKINIU 25:4

Tileno aphughi liwo hephove eno Chaldeami no homxape khe akemu akükau ghutu laghi khagho hechesü akupuwu kini dolono kiptimi ghüshimi thaqhü ye putho lono pove. Panongu ye Arabah küdau wuve.

JEREMIYA 29:20

Nongu khunoqo I no Jerusalem lono Babylon lo akughumi shi puwuve keno, Ampeu tsa inilo.

JEREMIYA 48:41

mishighünaqo leluve, aliwo kumtoqo ye khasü luve nani. Tipani Moab ghütomi mlo ye totimi apunu küsü lo akemi toive nani;

JEREMIYA 52:27

Eno Babylon kükau no Hamath yeghi lo Riblah lono panongu heqhi pithive. Hitoi Judah ye pano yeghi lono haphe sawuve.

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

YEKIKITHI AKINIU 36:23

“Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

JEREMIYA 13:4

“Nono qhükeu chighichephi o chita khapu akeu pesü Euphrates lo wuno atu kighipe lo küsüve lo.”

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.