MICAH 2:12 - Sumi Naga CL (Re-edited) Bible (BSI)

¹² I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

BAIBEL (BSI)

¹² “Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

MICAH 2:12 Referans Kwoze

EZEKEL 36:37

“Ampeu Alhou no ishi piani: I no Israel kibolomi ghenguno shitsüni ke pano pelo ambeloji toi panow timiqo kughukotsü penike hi ghi I vilo khupe nani.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

AMUS 1:12

Tighenguno I no Teman shou ami puwuni, eno tino Bozrah sükusho-aqo pitileve tsü nani.

HOSIYA 1:11

Eno Judah ngo Israel nuliqo ye kümtsa hekütsü nani, panongu no pano ghenguno akütsü lakhi süküsü shi nani. Eno panongu no hipau yeghi lono iqhove nani kughengu Jezreel tsala ye kije shi nani.

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

EZEKEL 34:31

Nongu ye I mbeqo ke, I tsüni kümtsha-a lo ambe timiqo ke, eno I no nongu Lhoue, ipi Ampeu Alhou no sheshu.”

EZEKEL 34:22

I no I mbeloji xaphe luve nani; panongu ye tüghashi chuqupu shi tsüqhi chuve kepu shimove nani. I no ambe ngo ambe dolo xakütha shi nani.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

ISAIAH 34:6

Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

ISAIAH 27:12

Tipa tsala lo Ampeu no Euphrates ghoki lono Egypt ghokiti kutolo athi qhisü no amuu fule nani, eno lakhikhi no nongu Israelmi hekütsü kumqo nani.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

BOTHUBO 36:33

Bela thive, eno Bozrah lo Zerah nu Jobab no pa thisü luve.

ISAIAH 5:17

Tishino ambeqo no pano tsüni kümza-a lono chu nani, eno kupokichemi no kinimi kipighi-a lono chu nani.

MICAH 2:13

Khuu no ala kophetsü keno Pa no panoqo züu wunani panongu no khagho hepho ipeve no ti heche wuve nani. Panongu kükau no pano züuno ti heche wunani, Ampeu no pano kütsü shi nani.

MICAH 4:8

Eno no, O ambeloji qoghe, Zion limi toghi, azüu kükaqha o lau ighi nani, Jerusalem limi ghenguno ayekipe ighi nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

YEKIKITHI ATUGHIU 1:44

Bela no thive kethiu pa nu Jobab no pa thisü luve.

EZEKEL 34:13

I no ashiayeqo dolono panongu saipeghi nani, aghakhuqo lono panoqo hekütsü nani, eno pano yeghi lo saighive nani. I no Israel lo naghutoqo, aghokitiqo, eno aghakhu lo küghüna akeu-aqo lono panoqo loji nani.

ZEFANIA 3:20

Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.