MATTHEW 9:15 - Sumi Naga CL (Re-edited) Bible (BSI)

¹⁵ Jisü no panoqo vilo pi, “Aküküla lo kusü kemi ye külapuu no panongu gholo ngo apülaghi amloksa shini keshea? Ikemu panongu gholono külapuu sawuve kepu tsala ighi nani, tileno panoqo no kümvü nani.

BAIBEL (BSI)

¹⁵ Jisu no ishi panoqo khochile, “Kulakupulo kusu puakeqoye kulapuuno panoqo gholo aphiloghi amlokusa shi achenipe kesha? Khilemu tishi chemoe! Ikemu panoqo gholono kulapuu ikhisuwuve kepu tsala ighi nani, tithiuno panonguno kumvu nani.”

Sümi Tiqhelimi Bible

¹⁵ Jisü no khochile, “Külakupu lo kusüpüa kemiqo ye külapuu no panoqo gholo aphi lono kíshi no amloküsa shi apeni kea? Külapuu ye panoqo gholo no ikhisüwuve kepu do ighi nani; tipathiu no panongu no kümvü nani.

MATTHEW 9:15 Referans Kwoze

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

1 Kor. 7:5

Nongu no akighini shiniye pulo küqhano ado hami kusholu move kelo kumo aye lakhino lakhi milive kevilo. Kütüta shivemu itaghi kuloqu luvelo, tishianguno nongu no alikhi aghasümla namu Satan ye nongu ghuju mla nani.

John 16:6

Ikemu I no nongu vilo hipaqo pike ghenguno, nongu ye amlo ghime no chhitoivae.

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

2 Kor. 11:27

ghichheghime lo ghuthu kutomo zühu püamoe, amzü atüghü lo ghuthu kutomo achuqupu ithulu püamoe, akicheqho kühano aphikümsa shipe püani.

MATTHEW 9:14

Tithiu Baptiz kishiu John khopemi no Jisü lau ighi no ighiju, “Kushiye niqomi ngo Phariseemi ye kümvü cheni püzü o khopemi ye kümvü chemo kea?”

MATTHEW 9:16

Khunomu aphi kithe pesü aphimini qalo tsüghu puku chemoe, kughengu aphi kithe no ichi ilo kelo aqau sünhekütsü, eno atsüghu la lono alau ixüve cheni.

Mark 2:19

Jisü no panoqo vilo pi, “Külapuu no pa poshumi gholo apülaghi panoqo ye kümvü lunani keshea? Külapuu no panoqo gholo ake tivilo panongu ye kümvü mlae.

Mark 2:20

Ikemu panoqo launo külapuu sawuve kepu tsala ighi nani, tileno panongu no kümvü nani.

Luke 5:34

Pa no khochile, “Nongu ye külapuu no pa poshumi gholo apülaghi panongu pelo kümvü lupe nani keshea?

Luke 5:35

Ikemu kughou kela panoqo launo külapuu sawuve kepu tsala ighi nani, tileno panongu no kümvü nani.”

Luke 17:22

Pa no akhopemi vilo pi, “Nongu no Timi Nu do-ghuloki ithuluni shikütü keu tsala cheni, ikemu ti ithulumo nani.