MATTHEW 8:16 - Sumi Naga CL (Re-edited) Bible (BSI)

¹⁶ Tipani avelau timiqo no Jisü lau tüghaküsa no ghimeqhi akemi kutomo sasü ighi, pa no atsa lakhi pi püzü tüghaküsaqo haphetsü, eno küsükinimi kümtsü shipivi tsü.

BAIBEL (BSI)

¹⁶ Tipani avelau timiqono tughami aphilo akemi kutomo pa lau saghi. Jisu no atsa likhi pipuzu tughakusaqo haphetsu eno kusukinimi kumtsu shipivitsu.

Sümi Tiqhelimi Bible

¹⁶ Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü.

MATTHEW 8:16 Referans Kwoze

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

Luke 4:40

Avela shive no khetsünhe iloche kelo timiqo no aküsü jeli kütüta xapu akemi kümtsü sasü pa lau ighi, eno pa no lakhikhi shou pa u betsü no panongu shipivi tsü.

MATTHEW 14:14

Pa no ashuka lono amkü tokelo aqokitikhi ithulu no panoqo jupe amlo ighiqhiyive püzü panoqo gholo küsükinimi shipivitsü.

Apostolmi 5:15

Ikelo timiqo no küsükinimi ghi alaghila lo khape ighi no azüa ngo ayephu lo püzü, tishianguno Peter no ighi kelo pa yekükhü likhimu khami shou ikughilu peniye ke.

Mark 5:8

Kughengu Jisü no, “Pa launo ipeghive lo, no mithekumo ghawu!” ipi azah pa tsü ake.

MATTHEW 12:22

Tile anhechemi eno atsa piphe kümlami khuu tüghami no ghime ache keno, timi hu Jisü lau saghi, eno Jisü no pa shipivitsü kelo pa no atsa piluve eno ithuluve.

Mark 2:3

Tile anhükithimi lakhi timi bidi no kuhope no pa lau saghi.

MATTHEW 9:2

Eno julo, timi khami no anhüküsüu aphiau thive kemi lakhi awophe lono xapusü ighi. Kughou Jisü no panoqo küpülü ithulu keno, pa no aküsüu vilo pi, “I nu, o ghüthi püxülu lo; o xine qhive tsüae.”

Mark 9:25

Kughou aqokitikhi no aqoshi posü cheghi keu Jisü no ithulu keno, pa no mithekumo ghawu sakiyi no pi, “No tsapimo eno akinikughupo ghawu, I no azah o tsü ani, pa launo ipeve no khilemu ideilo kevilo.”

MATTHEW 8:33

Awo khemi no ti ithulu no pokhave, eno aphughi lo poilo kiu shive keno, akhoto no tüghami no peitha chekeu pama ghili, qhoi pivetsü.

MATTHEW 8:15

Pa no li u butsü, tileno li ye aghakimki kühave, ikehu li no ithughi no pa loji thuve.

Luke 4:41

Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.

Luke 13:12

Kughou Jisü no li ithulu keno, pa no li kuno pi, “Totimi, no ye süqusüniyi ache keu lono kuqho phevae.”