MATTHEW 8:15 - Sumi Naga CL (Re-edited) Bible (BSI)

¹⁵ Pa no li u butsü, tileno li ye aghakimki kühave, ikehu li no ithughi no pa loji thuve.

BAIBEL (BSI)

¹⁵ Jisu no li ulo bukelo aghakimiki taveno lino ithu puzu kuchukusho kutope pa tsu.

Sümi Tiqhelimi Bible

¹⁵ Jisü no li u bu kelo ye li phi lono aghakimiki kühave, eno li no paikhavi ithuve püzü achuqupu kutò pe pa tsüe.

MATTHEW 8:15 Referans Kwoze

KUKAMI AKINIU 13:21

Ghuthu lakhi lo milakhi kumo shiqho akelono paikhavi aghümi cheghi keu panongu no ithulu kehu asükumo pesü Elisha kumo lo vesüve, ikelo asükumo huno Elisha saghi dilu kemtsa timi huye aküxü shive no puthughove.

Luke 8:54

Ikemu Jisü no li u tsüqüpe li vilo pi, “Angao, ithulo.”

Mark 1:41

Jisü no amloighive no pa u chhope apüghami bu püzü pi, “Ni ye pulo ani, mithe luvelo!”

MATTHEW 20:34

Jisü no pama kimiye qhiyive no pama nhethi lo chotsü, paikhavi no pama nhethi tsükho luve, eno pa pape wuve.

MATTHEW 14:36

eno küsükinimi pelo pa phishe likhimu bulu pelopi qhüiniju. Kuchou no pa phishe bulu kemi kümtsü viluve.

MATTHEW 9:29

Tileno pa no hipa tsa pi ghi pama nhethi butsü, “Nokujo küpülü kiqi lono tishi lulo.”

MATTHEW 9:20

Eno julo, ampe chighikini kutolo aji chiji süache keu totimi lakhi no Jisü hasü ighi no athiuno pa phishe bulu.

MATTHEW 8:3

Tileno Jisü no pa u chhope pa buno pi, “Ni ye pulo ani; mithelu lo.” Paikhavi no pa pügha ye shikimthe luve.

ISAIAH 6:7

Pa no I mütsü ditsü no pi, “Hi no o mütsü dive tsüae; o kipimi süwuve tsüae eno o xine peve tsüae.”

MATTHEW 8:14

Kughou Jisü no Peter kilo iloghi keno, Peter pani ye aghamki püzü ihozü aghikeu pa no ithulu.

MATTHEW 8:16

Tipani avelau timiqo no Jisü lau tüghaküsa no ghimeqhi akemi kutomo sasü ighi, pa no atsa lakhi pi püzü tüghaküsaqo haphetsü, eno küsükinimi kümtsü shipivi tsü.

Mark 1:29

Tithiu Jisü no sinagog qhive no mtazü James ngo John pama sasü Simon ngo Andrew kilo ilove.