MATTHEW 6:4 - Sumi Naga CL (Re-edited) Bible (BSI)

⁴ tishianguno nono tsü akeu ye tuqhou vehu shilu nani. Eno tuqhou no ithulu chekeu o Pu no ajume o tsü nani.

BAIBEL (BSI)

⁴ ikemu tiye tuqhou vehu shilo eno oPuh tuqhouno ithulu akeuno asaxu otsu nani.

Sümi Tiqhelimi Bible

⁴ tishianguno nono tsü akeu ye tuqhou shilu nani ke. Tishi keu vechewo nongu Papù khuu nongu no tuqhou no kiu mülà acheni keno ithulu akeu hu no asaxu nongu tsü nani.

MATTHEW 6:4 Referans Kwoze

MATTHEW 6:18

tishianguno tuqhoushi achekeu o Pu nguno alau ye nono kümvü akeu kütami no ithulu monani. Eno tuqhou no ithulu chekeu o Pu no ajume o tsü nani.

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

Luke 14:14

tishikeu lono nou no akümghau shilu nani, kughengu panongu ye o tsüchile mla nani. Kughengu amikuchomi xüchilekulu tsala lono o tsüchile nani.”

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

Luke 8:17

Kughengu itehi küsü püakeu kiumu pephemo nikeu ye kühae, tike kumono tuqhou vehu kiumu ithi move eno aküvü lo saipeghi moveni keu kühae.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

LESHELE 139:12

aküzü ghi O ghengu ye züchiyi moe; O ghenguno putho ye puchou toi vüqai, kughengu O gholo aküzü ye aküvü toike.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

AHOLE 25:22

kughengu tino pa kütsü lo ami hipuku tsü aketoi nani, eno Ampeu no asaxü o tsü nani.

MATTHEW 6:3

Ikemu kughou nono aveküsami kuphuni keno, o u ajeu no kiu shiani keno o u piyiu pelo ithipe kevilo,