MATTHEW 6:27 - Sumi Naga CL (Re-edited) Bible (BSI)

²⁷ Nongu gholo khuu no amlo kütakihi keu lono pa küxü lo asüchedo lakhimu süküpha lunani kea?

BAIBEL (BSI)

²⁷ Nongu gholo khuuno pa mlokutakihi akeu lono pa kuxulo ampe lakhi- kinimu xukuphasulu nani kya?

Sümi Tiqhelimi Bible

²⁷ Nongu dolo khuala no amloküsa shikeu vechewo pa küxü lo ayì kihedo lakhimu süküphalu nani keshea?

MATTHEW 6:27 Referans Kwoze

YETSAPIU 3:14

I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

MATTHEW 5:36

O kütsü mu pesü tushoqhi kevilo, kughengu no ye asathi lakhi mu pesü metsüghoi momu tsübui shivetsü mlae.

1 Kor. 12:18

Ikemu kuchou loye Alhou no Pa pulou lono aphimpi lo aphiauqo kithikiyi püatsü ke.

MATTHEW 6:25

“Tighenguno I no nongu vilo piani, nongu ye xüani ke ghenguno kiu chuni momu kiu shoni, moaye nongu phimpi ghenguno kiu pepuni kelapi amlo kütakihi kevilo. Aküxü ye achuqupu nguno akijeu eno aphimpi ye aphimini nguno akijeu kekumo?

MATTHEW 6:28

Eno nongu ye kushiye aphimini ghenguno amlo kütakihi cheni kea? Aluza lo lapu xamunu no kishi thuwu cheni keno kümsüju lo: panoqo ye ichheime aphimini gho chemoe,

MATTHEW 6:31

Tighenguno nongu ye amlo kütakihi ishi pi kevilo, ‘Ningu ye kiu chuni kea?’ momu ‘Ningu ye kiu shoni kea?’ moaye ‘Ningu ye kiu pepuni kea?’

MATTHEW 6:34

“Tighenguno thoghiu ghenguno amlo kütakihi kevilo, kughengu thoghiu no tipa sala kütakihi kepu aphike. Atsala lo aküküpna sholu akeu no tipa tsala ghenguno lukümkhae.

Luke 10:41

Ikemu Ampeu no khochile, “Martha, Martha, no ye thime kutomo ghenguno nughüza ani,

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

Luke 12:22

Jisü no pa khopemi vilo pi, “Tighenguno I no nongu vilo piani, nongu küxü lo kiu chushoni; momu nongu philo kiu pepuni kelapi keu lono amlo kütakihi kevilo.

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

1 Peter 5:7

nongu mlo kütakihi chekeu kümtsü Pa lau kulhuqhive tsülo, kughengu Pa no nongu tucho achenie.