MATTHEW 6:13 - Sumi Naga CL (Re-edited) Bible (BSI)

¹³ Eno ghukuju lo ningu sailotsü kevilo, ikemu alhoksau launo ni xaphe tsülo.”

BAIBEL (BSI)

¹³ Ghukujulo ningu sailotsu kevilo, ikemu Alhoksau launo nixaphetsulo.

Sümi Tiqhelimi Bible

¹³ Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

MATTHEW 6:13 Referans Kwoze

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

John 17:15

Ni ye O vilo ayeghiqha lono panoqo ikhiphe luve tsülo piamoe, ikemu alhoksau launo Nono panoqo khe tsülo piani.

MATTHEW 26:41

Ghukuju lo ilovemo kepushi tsükhüi shino inikhu lo. Aghungu ye pulo ani kemu ashi no qeinai anie.”

Piyeküsü 19:1

Hipa thiu kungugha lo aqokitikhi no igha akeshi asütsa kuloghi lakhi I no ishi chilu, “Hallelujah! Xakulupu, ajekipi eno aküka ye ni Lhouw ke,

2 Thes. 3:3

Ikemu Ampeu ye pükhükulupu ke. Pa no alhoksa lono nongu iqhi kumto eno khekuto tsü nani.

MATTHEW 6:10

O yekipe ighilo, kungugha lo toi ayeghi lo ghi O pulou shilo.

JEREMIYA 15:21

I no kixikilami u lono no xaphelu nani, eno ayiküsami u lono o xachilelu nani.”

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

LESHELE 47:7

Kughengu Alhou no ayeghi kümtsü shou Akükau ke; leshele pesü shikipili le phelo!

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

LESHELE 10:16

Ampeu ye alhokupuju eno alholo akükau ke; shiyeqo ye pa yeghi lono pühavae.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

LESHELE 41:13

Pülhapuju lono pülhapuju kutolo Ampeu Israel Lhou sheqhelo! Amen, Amen.

YEKIKITHI ATUGHIU 16:36

Israel LhouAMPEU lau pülhapuju lono pülhapuju lo kümgha keu alo!” Tithiu timi kümtsü no, “Amen!” ipi no Ampeu sheqhe.

YEKIKITHI ATUGHIU 4:10

Jabez no Israel Lhou lau ighamku pi, “O pelo I kümghatsü no I lughi pekhotsü, O u no alhoksa lono I süsho no I sache penishi, tishianguno aghime I lau ighi pemo niye ke.” Ikelo pa no kiu khu keno Alhou no pulotsüe.

ZAKINIU 8:16

Pa no nongu peju no kuchuni eno ashekha lo akivipu shitsü niye asayeqha lono nongu puasüqo nomu mthakeu manna pesü nongu lojike.

IPEKULU 15:18

Ampeu no alholo eno pülhapuju ayepe nani.”

BOTHUBO 22:1

Hipa thiu Alhou no Abraham peju no pa vilo pi, “Abraham!” Pa no pi, “Ni hile anie.”

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

AKIKIHI 5:22

Angusü süghi chekeu zü hipau no o kive lo ilo no o puqho ngo o phimpi inguuve peni.’ Eno atotiu no khochileni, ‘Amen, Amen.’

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

MATTHEW 5:37

Nongu ye ‘Iyei’ pi kepu lo mtsümishei ‘Iyei’ pive, momu ‘Moe’ pi kepu lo ‘Moe’ pivelo, hinguno alau ye alhoksau launo ighi cheni.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

AHOLE 30:8

I launo pishikiqhi eno akimki tsa ikhipe putosüve tsülo; aqüagha na kinikülü namu I tsü kevilo; I no avehupu shi akeu qhemi achuqupu I tsülo,

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

LESHELE 106:48

Israel Lhou Ampeu sheqhelo, Pülhapuju lono pülhapuju kutolo! Eno timiqo kümtsü pelo, “Amen!” ipi pelo. Ampeu sheqhelo!

LESHELE 89:52

Alholo Ampeu sheqhelo! Amen, Amen.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

KUKAMI ATUGHIU 1:36

Tileno Jehoiada nu Benaiah no akükau khochile, “Amen! I mpeu akükau Lhou, Ampeu no tishitsü peniu!

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 5:13

Tileno kungugha eno ayeghi lo, ayeghi qhou eno azüghi lo lhoxü jeli kümtsü no pikeu I no chilu, “Kükalakhü lo iqa akeu, eno Ambeti lau pülhapuju eno alholo shekiqhe eno agigihu, ajekipi eno akumto apelo!”

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

IBRIMI 11:36

Khami ye ghushoqhi eno heqhi buqhi, tshüluve eno akughu shive.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

JEREMIYA 28:6

Tungkupu Jeremiah no pi, “Amen! Ampeu pelo tishi peniu, nono tungkuptsa pive keu kuchou shi aghi peniu, eno Babylon lono Ampeu kilo akhu ajukhu eno akughumi kümtsü a-a hipau lo sachile saghive peniu.

LESHELE 22:28

Kughengu aküka ye Ampeuw ke, Pa no shiyeqo shou ayepe ani.