MATTHEW 5:33 - Sumi Naga CL (Re-edited) Bible (BSI)

³³ “Itaghi khaghi lomi vilo pikeu nongu no chiluvae, ‘No ye akumou lono tushoqhi kevilo, ikemu Ampeu lau nono kiu tushoqhi püani keno athoshi papelo.’

BAIBEL (BSI)

³³ “Nonguno itaghi highi chiluve aghi nani, khaghilo timiqo vilo ishi pipuani, ‘Nonguye akimki lono tushoqhi kevilo, ikemu nonguno Ampeu zulono kiu shinipi tushoqhi puani keno tipau shilo.’

Sümi Tiqhelimi Bible

³³ “Itaghi timiqo vilo khaghi no ishi pipüa keu nongu no chiluvae, ‘O shoqhi kubo kevilo, ikemu nono Ampeu lau tushoqhi püakeqo shikupu lo.’

MATTHEW 5:33 Referans Kwoze

ZAKINIU 23:21

“Nongu no Ampeu nongu Lhou lau ashoqhi shikelo süpushu moni, kughengu Ampeu nongu Lhou ye nongu launo ti khu nani, eno akipimi nongu tsü nanike.

ACHINE 19:12

Nono pemla kepushi kümsü aghi aye I je lono ashoqhi shikevilo, ti ye shipütha keu I shou süghi anie: Ni ye Ampeu nongu Lhou ke.

ZAKINIU 23:23

Kiu pive akeno shinike kutokupui lo, kughengu nongu kutoshi no Ampeu lau piqhive ake.

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

ZAKINIU 5:11

“‘Nongu ye adou lono Ampeu nongu Lhou je peitha moni, kughengu Ampeu ye adou lono Pa je peitha keqo akipimi tsünani.

IPEKULU 20:7

“Nongu ye adou lono Ampeu nongu Lhou je peitha moni, kughengu khuu no adou lono Pa je peithani keno Ampeu no pa shou akipimi benani.

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

MATTHEW 5:27

“Ishi piche keu nongu no chiluvae, ‘No ye salha kevilo.’

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

MATTHEW 5:21

“Khaghilo timiqo vilo piche keu nongu no chiluve ake, ‘No ye timi pithi kevilo; khukhumu timi pithive keu ye küghaküthapu lo ilo nani.’

1 Tim. 1:10

kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,