MATTHEW 5:18 - Sumi Naga CL (Re-edited) Bible (BSI)

¹⁸ Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

BAIBEL (BSI)

¹⁸ Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

Sümi Tiqhelimi Bible

¹⁸ Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

MATTHEW 5:18 Referans Kwoze

Luke 16:17

Ikemu Ayezah lo choküsü lakhimu abokümsa shivae pini keu ye atsütsü ngo ayeghiu no hauve keu no mlalei nani.

ISAIAH 40:8

Atsüni no ighüive, axamunu no hailove cheni, ikemu ni Lhou tsa ye alhokupuju ache nani.

1 Peter 1:25

ikemu Ampeu tsa ye alholo acheni.” Eno Atsa hipau ye nongu lau sheshuve keu Tsakiviu huke.

Mark 13:30

Kuchou no I no nongu vilo piani, hipa tiqhelimi kühave mphi lono ado-aghuloki hi kümtsü sholu nani.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

LESHELE 102:26

Tipaqo ye hauve nani, ikemu No ye ache nani; tipaqo ye aphimini toi aqa shive nani. Nono tipaqo aphimini toi kilive nani, eno panoqo ye hauve nani.

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

MATTHEW 17:20

Pa no panoqo khochile, “Nongu küpülü mikhelo kehue. Kughengu kuchou no I no nongu vilo piani, nongu no aghanethi qhemi likhimu aküpülü aghi aye, nongu no naghuto hipau vilo, ‘Hileno iqesü hule wuvelo’ ipi kelo, tino iqewuve nani, eno nongu ghenguno shikümlapu kiumu küha nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 13:17

Kughengu I no kuchou no nongu vilo piani, nongu no kiu ithulu ani keno tungkupmi ngo amikuchomi kutomo no ithuluni shiche kemu ithumlave, eno kiu chilu ani keno panoqo ghi chiluni shiche kemu chimlave ke.

MATTHEW 10:23

Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

MATTHEW 6:2

“Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

MATTHEW 5:26

Mtsüqheino I no o vilo piani, nono pisa kuhu aghulou kutolo tsükhamo kelo no ye khilemu ipeghi lumo nani.

LESHELE 119:152

Khaghi no ni ye O kükütsüqo ithivae, Nono tipaqo pelo alhokupuju acheni peke.

John 21:18

Kuchou no I no o vilo piani, kughou nono apumi shiche keno, o kutoshino aphimini pepusü khile khilemu nono pulo keu lo wuche, ikemu kughou nono kichimi shiveni keno, nono o u xachho no kütami no aphi o puu nani, eno nono khile pulomo keno tilau o sawu nani.”

John 16:23

Tipa tsala lo nongu ye I vilo kiumu khumo nani. Kuchou no I no nongu vilo piani, nongu no I je lono Apu vilo kiu kiumu khu kelo Pa no nongu tsü nani.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 13:38

Jisü no khochile, “No ye kuchou no I ghenguno o küxü tsülu nani keshea? Kuchou no I no o vilo piani, awudu igha mphi lono no ye ghuthu küthü I milive nani.”

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

John 10:7

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

John 10:1

“Kuchou no I no nongu vilo piani, khuu no ahukikha lono ambeki lo ilo mono ala kütauno zümili iloni keno, pa ye küpkami eno süxakulumi.

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

John 8:34

Jisü no panoqo vilo pi, “Kuchou no I no nongu vilo piani, khuu no axine shini keno pa ye axine qüaxemi.

John 6:53

Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:32

Tile Jisü no panoqo vilo pi, “Kuchou no I no nongu vilo piani, Moses no kungugha lono asho nongu tsüke kumoe, ikemu I Pu no kungugha lono kuchou sho nongu tsüe.

John 6:26

Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

John 3:11

Kuchou no I no o vilo piani, nino keu ithi keno picheni, eno kiu ithulu keno thopi shicheni, ikemu nongu no ni shepe ikhilumoe.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 1:51

Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

Luke 23:43

Jisü no pa vilo pi, “Mtsüqheino I no o vilo piani, no ye ishi no I gholo alokughuno-a lo aniae.”

Luke 18:29

Jisü no panongu vilo pi, “Mtsüqheino I no nongu vilo piani, Alhou yekipe ghenguno akibo anipu, athiküzü acheli, apu aza, momu atianuli qhive kemi khunomu

Luke 18:17

Mtsüqheino I no nongu vilo piani, khukhumu itimi lakhi toi Alhou yekipe ikhilumo keu ye kiu gholau nomu tile ilomla nani.”

Luke 13:35

Julo, nongu ki ye küghüvae. Eno I no nongu vilo piani, nongu no, ‘Ampeu no khuu Pa je lono cheni keno kümgha tsülo!’ ipi moke kutolo nongu ye ni ithulu moae.”

Luke 12:37

Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.

Luke 11:51

Abel ji lono wo tungkupu, khuu akiptia ngo achineki khala alou dolono pithive keno, Zechariah kutolo. Iyei, I no nongu vilo piani, hipa tiqhelimi no khokichile tsü masa nani.

Mark 14:30

Jisü no pa vilo pi, “Mtsüqheino I no o vilo piani, itijiu no awudu no ghuthu akiniu ighamphi lono no ye ghuthu küthü ni mthae pi milive nani.”

Mark 14:25

Kuchou no I no nongu vilo piani, Alhou yekipe tsala lono akitheshi yenike kumo aye, ni ye khilemu itaghi atsaibo lo pekighi zü yekithe moae.”

Mark 14:18

Panoqo no aghulhu lüpa lo iqa no chu akelo, Jisü no pi, “Mtsüqheino I no nongu vilo piani, nongu dolo milakhi no I thechuve nani, khuu no I gholo chu ani keno pa huno ke.”

Mark 14:9

Mtsüqheino I no nongu vilo pi ani, ayeghiqha kümtsü lo khile khilemu atsakiviu sheshu kelo, li no kiu shi keno, li je lono piche nani.”

Mark 12:43

Jisü no akhopemi pa lau kuno panoqo vilo pi, “Mtsüqheino I no nongu vilo piani, kumlhomi achimeu hipau no akümllagho bolo qhasütsü akemi kümtsü nguno alau süve tsüae.

Mark 11:23

Kuchou no I no nongu vilo piani, khukhumu atoghi hipau vilo, ‘O likhi o pesü azüghi lo vesüve lo,’ ipi no pa mlo lono lipimo püzü ti ye shikupu nanie pi pülü aye, pa ghenguno ti shitsü nani.

Mark 10:29

Jisü no pi, “Kuchou no I no nongu vilo piani, I je ghenguno eno atsakiviu ghenguno akibo, momu athiküzü acheli, apuaza, atianuli, momu aki alu qhive kemi kümtsü

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

Mark 9:1

Tishino panoqo vilo pa no pi, “Kuchou no I no nongu vilo piani, hile puthugho akemi dolo khami ye Alhou yekipe aküka kumto lono ighi keu pano nhethi no ithulu moke kutolo akithi michemo nani.”

Mark 8:12

Pa no amlo alou no atuthu akuloghiu shephe no pi, “Kushiye hipa tiqhelimi ye amchipu phu acheni kea? I no mtsüqheino nongu vilo piani, hipa tiqhelimi lau amchipu kiumu tsümo nani.”

Mark 6:11

A-a lakhi lo nongu sasümo eno nongu tsa ini tsümo aye, tileno wuche kelo pano shou thopi shi nongu pukhu lo ayeghimkhu kutolo kukhu qhivelo.”

Mark 3:28

“Mtsüqheino I no nongu vilo piani, timiqo xine eno panoqo no kiukiu küthakügha tsa pi püaghi namu qhoi akipimi qhivetsü nani,

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 25:12

Ikemu külapuu no khochile, ‘Kuchou no ni ye nongu mthae.’

MATTHEW 24:47

Kuchou no I no nongu vilo piani, pa mpeu no aqeu lau pa küakini kümtsü kulhuqhive tsü nani.

MATTHEW 24:2

Panongu vilo pa no pi, “Nongu ye hi kümtsü ithulu anima? Kuchou no I no nongu vilo piani, hile atu lakhimu lakhi shou küqape ngomo no qhoi tuleqhive nani.”

MATTHEW 23:36

Kuchou no I no nongu vilo piani, hi kümtsü hipa tiqhelimi shou aghime ikughi nani.”

MATTHEW 21:31

Hi pama dolo khikhiu no apu pulou shitsü kea?” Panongu no khochile, “Akichiu no,” Jisü no panoqo vilo pi, “Kuchou no I no nongu vilo piani, asüqha küqhami eno kütüqhalimi no nongu züuno Alhou yekipe lo ilolu anie.”

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

MATTHEW 19:28

Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 19:23

Tileno Jisü no pa khopemi vilo pi, “Kuchou no I no nongu vilo piani, kinimi lakhi no Kungugha yekipe lo iloluni keu ye kushokütsüe.

MATTHEW 18:18

“Kuchou no I no nongu vilo piani, nongu no ayeghi lo kiu tsüghani keno kungugha lo ghi tsügha nani eno nongu no ayeghi lo kiu kuqhoni keno kungugha lo ghi kuqho nani.

MATTHEW 18:3

eno pi: “Kuchou no I no nongu vilo piani, nongu no aküxü kililu no itimi toi shimo kelo nongu ye khilemu Kungugha yekipe lo ilomo nani.

MATTHEW 11:11

Kuchou no I no nongu vilo piani, totimi no punu keqo gholo timi khumu Baptiz kishiu John nguno akijeu ipeghi mphi. Tishimu kungugha yekipe loye khuu no kütami nguno akitilau keno pa no Baptiz kishiu John nguno akijeu ke.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

MATTHEW 8:10

Jisü no hi chilu kelo ighono pa kümza qhiyive no pa papeche keqo vilo pi, “Kuchou no I no nongu vilo piani, Israel lo hitoi keu küpülü akemi ni ye khumu ithulu mphi.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

Luke 4:24

Jisü no pi, “Mtsüqheino I no nongu vilo piani, tungkupu khumu pa punugha loye ikhikulupu shi chemoe.

LESHELE 111:8

tipaqo ye pülhapuju eno alholo ache nani, tipaqo ye pükhükulu eno amikucho vecheo shi ache nani.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;